MASMUR 43:4 - BIBEL JAMITA NA DENGGAN

⁴ Jadi dapotkononku ma langgatanMu ale Debata, Ho sajo ma i mual ni hatuaanku. Marende ma au jana mamiltik hasapi, papuji-puji Ho, ale Debatangku, ale Debatangku.

MASMUR 43:4 Referans Kwoze

JESAYA 61:10

“Jop ma rohangku hara ni Tuhan, hara ni Debata, tondingku marhamogaan. Songon pangoli di ari parbagasonna mamake pakean na sumurung jegesna, madung dipapakehon Tuhan tu au baju haluaan dohot hamonanganku.

MASMUR 57:8

Ngot ma Ho tondingku, ngot ma gambus dohot hasapi, giot sunggulanku ma andostorang i.

MASMUR 33:2

Dok ma tarimakasi tu Tuhan mardongan hasapi, marende ma diSia mardongan sora ni musik.

MASMUR 81:2

Palu ma tambor, marende ma tangging piltik ma gambus dohot hasapi na mandonting.

MASMUR 42:6

Magopu ate-atengku di tano habuangan on, hara ni i taringot rohangku tu Ho. Mayup-ayup tondingku di bagasan galumbang ni arsak, songon aek magodang hagaoron manondong iba, songon parhusasak ni sampuran ni Batang aek Jordan, sian Dolok Hermon dohot Dolok Misar.

MASMUR 26:6

O Tuhan, hubasu tanganku tanda na so marsala au, jana dohot au mardalan manghaliangi langgatanMu,

2 SAMUEL 6:5

Si Daud dohot halak Israel i sude mardalan di jolo ni Poti i manortori lalu marendei sagogo-gogona laho pasangapkon Tuhan. Marhasapi, margondang, marnungneng dohot marhesek-hesek.

SURAT NI SI PAULUS TU PARLAGUTAN ROM 5:11

Tapi nada hum i sajo. Marmoga-moga muse ma hita di bagasan Debata, markite-hite Tuhanta Jesus Kristus, harana markite-hite Ia madung hita jagit saonnari pardamean i.

HALUMBAAN 5:8

Jadi taran songon i dope, manungkap ma mahluk na opat i dohot pangituai sidua pulu opat halak i di joloNia. Marsitiop hasapina do pangituai na dua pulu opat halak i dohot mangkuk sere na marisi hamonyan, i ma angka tangiang ni halak na badia.

MASMUR 57:9

Ale Tuhan, giot mandok tarimakasi ma au tu Ho di tonga-tonga ni angka bangso. Giot pujionku ma Ho di tonga-tonga ni jolma manusia.

MASMUR 63:2

Paloas ma au manatap tu Ho di inganan na badia, bope mangaligi hagogoan dohot hamuliaonMu.

ZAKARIA 13:9

Hum sapartolu noma na mangolu sian i. Jana paiasonKu ma halahi songon perak na dipapita ni api. UjionKu ma halahi songon panguji ni halak di sere. Jadi martangiang ma halahi tu Au, jana alusanKu ma halahi. DokkononKu ma tu halahi, paboa na bangsongKu do halahi, jana okuon ni halahi muse ma, Au do Tuhan Debata ni halahi.”