MASMUR 43:3 - BIBEL JAMITA NA DENGGAN

³ Patangkas ma hadengganan ni rohaMu anso disondangi au jana togu ma au, mulak tu Sion, dolokMu na badia i dohot tu Bagas ParmiananMi.

MASMUR 43:3 Referans Kwoze

MASMUR 36:9

Ho do mual haroroan ni ngolu di sude na adong, di bagasan sinondangMu hami ida na torang.

JOHANNES 1:4

Mual ni ngolu do Hata i, jana ngolu i ma na mangalehen sinondang tu jolma.

MASMUR 143:10

Ajari ma au patuluskon hagiot ni rohaMu angke Ho do Debatangku. Sai ditogu TondiMu na burju i ma au di dalan na hornop.

MASMUR 119:105

HataMi do sulu-sulu di langkangku, jana sinondang na manorangi dalanku.

MASMUR 97:11

Halak na tigor ditorangi sinondang, halak na jujur gok jop ni roha.

MASMUR 84:1

Sai di hagioti do inganan parmiananMu ale Tuhan Na Markuaso.

MASMUR 40:11

Tuhan, huboto do na so ra mantak Ho manghaholongi au; holong dohot hadengganan ni rohaMu sai i do na giot mangondihon au.

JOHANNES 1:17

Dibaen dilehen do Tona i markite-hite si Musa tapi anggo asi ni roha dohot hasintongan markite-hite Jesus Kristus do.

MIKA 7:20

PatuduhononMu ma tu bangsoMu pomparan ni si Abraham dohot si Jakob habonaranMu dohot holong ni rohaMu na so marparsuhatan i songon na nijanjihonMu tu ompunami narobi.

MASMUR 57:3

Dipalua jana dialusi Ia au sian banua ginjang; ditaluhon Ia angka halak na manyosak au. Patuduhonon ni Debata do paboa na denggan rohaNia tu au, jana na sai manghaholongi au.

MASMUR 3:4

Pio-pio au tu Ho ale Tuhan, sian dolokMu na badia dialusi Ho au.

MIKA 7:8

Ulang ho marjop ni roha mida au, ale musungku! Angke haru pe madabu au, laing muli jongjong do au. Saonnari di na golap au, tapi sondangan ni Tuhan do au.

MASMUR 78:68

Marga Juda do na nipulditNia, dohot Dolok Sion na nihasianNia.

MASMUR 46:4

Adong do batang aek na pajopkon roha ni Kota Ni Debata, inganan ni Debata Na Gumincat.

MASMUR 42:4

Malala ate-atengku muda huingot hatiha na salpu, di na mardalan tu Bagas Ni Debata rap dohot halak na bahat au. Mardalan di jolo ni barisan i ma au, mardongan surak-surak dohot ende pamujian.

MASMUR 2:6

Ning Ia ma, “Di Sion, dolokKu na badia i madung Hupabangkit raja na Hupili i.”

1 JUJUR TAON 16:1

Dioban ma Poti Parjanjian i masuk tu bandar na niparade ni si Daud hian. Marhaul ma halahi tu Debata pasahatkon haul situtungon dohot haul pardamean.

1 JUJUR TAON 16:39

Tapi anggo si Zadok dohot angka malim na deba nari markarejo di inganan paribadatan na di Gibeon do dibaen.

2 SAMUEL 15:20

Nada sadia lolot dope ho dung dison, nada patut giot suruonku ho dohot mimbarimbar rap dohot hami. Au sandiri nada huboto dope sanga na giot tu dia au kehe. Mulak ma hamu jana oban ma sude angka donganmu sabangso i – sai holong nian roha ni Tuhan tu ho jana sai ibo do rohaNia tu ho.”

1 JUJUR TAON 21:29

Di hatiha i, di halongonan dope Bandar Ni Tuhan na nibaen ni si Musa i jana langgatan inganan ni haul situtungon i laing di inganan paribadatan na di Gibeon dope.

2 SAMUEL 15:25

Dung i didok raja i ma tu si Zadok, “Paulak ma mangulahi Poti Parjanjian i tu kota i. Muda na lomo do roha ni Tuhan tu au, paloasonNia do au mulak marnida Poti Parjanjian i dohot inganan parmiananNia i mangulahi.

MASMUR 57:4

Dihobuk musu au, songon singa sipangan jolma halahi. Hujur dohot pana do ipon ni halahi, podang na tajom do dila ni halahi.