MASMUR 42:11 - BIBEL JAMITA NA DENGGAN

¹¹ Biasi marsak jana susa ho rohangku? Tu Debata noma au mararop roha, jana mandok tarimakasi mangulahi tuSia, tu Debatangku jana Sipalua di au.

MASMUR 42:11 Referans Kwoze

MASMUR 42:5

Biasi marsak au jana susa rohangki? Tu Debata noma au mararop roha, jana mandok tarimakasi tuSia, tu Debatangku jana Sipalua au.

JEREMIA 33:6

Tapi pasuangonKu do muse pangalaho ni kota on dohot halakna; margogo do halahi mangulahi. LehenonKu do tu halahi hasonangan dohot hadamean na sumurung.

JEREMIA 30:17

Haru pe didok musumu, ‘Madung tarbuang Sion, jana nada adong na marnidasa,’ baenonKu horas hamu mangulahi, jana angka bugangmu Huubati.”

MASMUR 43:5

Biasi marsak jana susa ho rohangku? Mararop ni roha tu Debata noma au jana mandok tarimakasi tuSia, tu Debatangku jana Sipalua di au.

MATEUS 9:12

Dibege Jesus do na nisapaan ni halahi i gabe dialusi Ia ma, “Inda adong guna ni pangubati di na torkis. Di na marnyae do i.

MASMUR 79:10

Ulang paloas bangso na asing manyapai salaho tu hami, “Di dia ma Debata ni halahi?” Patidahon ma tu hami pamalosonMu maradopkon angka bangso na mamatehon angka naposoMu.

MASMUR 102:9

Hupapangani abuan songon roti, inumonku pe marcampur ilu.

MASMUR 115:2

Biasi angkon sai pola dokkonon ni angka bangso, “Di dia ma he Debata ni halahi?”

JOEL 2:17

Angka malim na manghobasi di Bagas Ni Tuhan, di antara ni langgatan dohot emper parjolo an, tangis jana mangandungi di jolo ni langgatan jana didok ma, “Haholongi ma ale Tuhan, bangsoMon ulang padiar bangsoMon marlayas jana diparkanciti, jana gabe siincahan ni angka bangso na asing. Biasi sai didokkon halak di tonga-tonga ni angka bangso, ‘Di dia do Debata ni halahi?’ ”