MASMUR 41:12 - BIBEL JAMITA NA DENGGAN

¹² Diurupi Ho do au hara ni bulus ni rohangku, jana dibaen Ho au mangolu rap dohot Ho sapanjangna.

MASMUR 41:12 Referans Kwoze

JOB 36:7

Diondihon Ia do anggo halak na tigor, markuaso halahi dibaen Ia songon raja, lopus dapotan sangap halahi salolot-lolotna.

MASMUR 37:17

Angke ponggolkonon ni Tuhan do kuaso ni parjahat, tapi lehenonNia do pangondian tu halak na tigor.

JOHANNES 17:24

Madung dipasahat Damang halahi tu Au. Saonnari Hupangidohon ma tu Damang anso rap dohot Au halahi sanga di dia pe Au maringanan, anso diida halahi hasangapanKi, i ma hasangapan ni Damang na nilehenMi tu Au, angke na holong do roha ni Damang tu Au mamungka sian dompak so dijadihon dope portibi on.

MASMUR 63:8

Hutiop Ho togu, malua au hara ni hagogoon ni tanganMu.

MASMUR 34:15

Diparrohahon Tuhan do halak na daulat, muda pio-pio halahi, ditangihon Ia.

MASMUR 25:21

Sai hadengganan dohot hatigoran ma mangondingi au, angke Ho do pos ni rohangku.

MASMUR 94:18

Di na marpikir au, na giot madabu noma au, holong ni rohaMu na manongtong i ma na mambaen au jongjong togu.

MASMUR 17:15

Tapi di bagasan hatigoran do, giot tataponku bohimu. Muda dung ngot au rap dohot Ho mambaen jop rohangku.

MASMUR 16:11

Dipatidahon Ho do tu au dalan hangoluan; rap dohot Ho mambaen au gok hamogaan dipapuas Ho rohangku salolot ni lolotna.

MASMUR 30:2

Tu Ho do au pio-pio, ale Tuhan Debatangku, jadi gabe dipamalum Ho au.