MASMUR 41:10 - BIBEL JAMITA NA DENGGAN

¹⁰ Ibo rohaMu di au, ale Tuhan, pamalum ma au, anso tarbaloskon au jolo hajahatan ni angka alongku.

MASMUR 41:10 Referans Kwoze

LUKAS 19:27

Jana oban hamu ma tuson angka musungku na so ra manjagit au gabe raja ni halahi. Sambol hamu ma halahi di jolongku!’ ”

MASMUR 57:1

Ibo ma rohaMu, mida au, ale Debata, ibo ma rohaMu di au, angke marpangondian tu Ho do au. Di linggoman ni habongMu do au martabuni, lopus mantak angka panyego-nyego i.

MASMUR 3:3

Hape Ho do ale Tuhan, parince na mangondingi au; dilehen Ho do hamonangan di au jana dipagodang Ho rohangku.

2 SAMUEL 15:12

Jadi dompak na manghaulkon haul si Absalom, laing disuru ia muse ma utusan tu kota Gilo laho marpio si Ahitofel, i ma sada sian panuturi ni Raja Daud. Jadi songon i ma antong mur margogo parkumpulan laho mangalo raja i jana mur mabahat ma angka na mangihut tu si Absalom.

JOB 19:19

Sogen angka donganku mida au; angka haholonganku mandao be ma sian au.

MASMUR 55:13

Tapi dibaen sian ho do antong, donganku, ale-alengku, dongan ari-ari di au.

MASMUR 55:14

Na salpu i manghata-hatai do hita denggan-denggan, jana rap marsomba hita di Bagas Ni Debata.

JEREMIA 20:10

Tarbege ma halak marhusipi di sude inganan, “Biar noma na marroha-roha! Beta ma hita aduhon ia tu raja!” Salangkan angka ale-alengku sudena paintehon hadadabungku noma. Didok halahi, “Aropku marhite elek-elek, tartaluhon hita do i, anso tarbaen hita palalu hosom tusia.”

OBAJA 1:7

Dipaoto-oto angka donganmu ho jana dipaorot sian tanomu. Talu ho dibaen angka ale-alemu, ise na rap mangan dohot ho, i do na mambaen jorat tu ho. Sapa-sapa do halahi taringot tu dirimu, ‘Dia dehe sude hamaloannia i?’