MASMUR 40:10 - BIBEL JAMITA NA DENGGAN

¹⁰ Di parpunguan ni bangsongku nada hupahohom, barita haluaan i nada hurahasiahon. Sai na hupajojor-jojor do haburjuan ni rohaMu, pangurupiMu dohot holong ni rohaMu na so mantak i.

MASMUR 40:10 Referans Kwoze

MASMUR 34:6

Pio-pio halak na sapot bagian, dialusi Tuhan do i, jana dipaluaSa sian sasude pardangolanna.

HALUMBAAN 22:17

Didok Tondi i dohot Boru Oroan i ma, “Beta ma!” Jana ganop halak na umbege on angkon laing dohot ma mandok, “Beta ma!” Sanga ise na manguas, ro ma ia! Jana sanga ise na marpor ni roha, dibuat ma aek na mangalehen hangoluan i so pola mangalehen bagi aha panggararna!

1 TIMOTEUS 1:15

Hata na tutu do pandohan on, na patut jagiton jana sihaporsayaan – : “Ro pe Kristus Jesus tu portibi on na giot paluahon halak pardosa do.” Jana sian sude halahi, au ma na umbahat dosana.

1 TESSALONIKA 1:8

Angke mamungka sian hamu do rarat barita taringot tu Tuhan Jesus tu Makedonia dohot Akaya. Jana nada hum i sajo; barita ni haporsayaanmunu pe tu Debata, madung tarbonggal sun tu dia, gabe nada adong be pola na porlu sidokkononnami.

PILIPPI 3:9

jana tutu mardomu dohot Ia. Hadengganan dohot Debata nada be huusahohon sandiri dohot dalan pangoloion tu angka Tona ni ugamo. Denggan pe pardomuanku saonnari dohot Debata, hara ni na huhaporsayai do Kristus. Jadi, sian Debata do haroroan ni pardomuan na denggan i, jana marojahan ma i di haporsayaan tu Jesus Kristus.

SURAT NI SI PAULUS TU PARLAGUTAN ROM 10:3

Dibaen hara ni na so ditanda halahi do hatigoran ni Debata jana hara ni na nipajongjong halahi hatigoran di dirina sandiri, jadi nada unduk halahi di hatigoran ni Debata.

LUKAS 3:6

Idaon ni halak na satano on ma haluaan na sian Tuhan!’ ”

MIKA 7:20

PatuduhononMu ma tu bangsoMu pomparan ni si Abraham dohot si Jakob habonaranMu dohot holong ni rohaMu na so marparsuhatan i songon na nijanjihonMu tu ompunami narobi.

JEHESKIEL 2:7

Palalu ma sude na Hutonahon tu halahi, sanga ra pe halahi manangihon i sanga nada. Ingot ma, angka pangalo do halahi.

JESAYA 49:6

“Pamenek tu ma ho muda hum gabe naposongKu, laho pajongjongkon marga-marga ni Jakob, laho paulakkon halak Israel na tading i. Tapi baenonKu ma ho gabe sinondang di angka bangso anso haluaan na sian Au lalu tu ujung ni tano on.”

MASMUR 89:1

Ale Tuhan, sai marende do au tongtong salaho tu holong ni rohaMu na manongtong. Baritahononku ma holong ni rohaMu tu ganop sundut.

MASMUR 25:10

Tu halak na patulus parjanjian dohot aturanNia dibaen Ia holong ni roha dohot habonaranNia.

JOHANNES 1:17

Dibaen dilehen do Tona i markite-hite si Musa tapi anggo asi ni roha dohot hasintongan markite-hite Jesus Kristus do.

MASMUR 22:26

Marmanganan ma halak na pogos lopus butongan, halak na manjalahi Tuhan, pujionna ma Ia. Sai anggiat ma halahi tongtong sonang ro di salolot-lolotna.

MASMUR 75:9

Tapi anggo au paboaonku do tongtong pambaenan ni Debata ni si Jakob, endehononku ma puji-pujian diSia.