MASMUR 39:8 - BIBEL JAMITA NA DENGGAN

⁸ Palua ma au sian sude dosangku, ulang padiar au gabe siincahan ni halak na bodo.

MASMUR 39:8 Referans Kwoze

MASMUR 44:13

Diida hombarnami do na nibaenMu tu hami, dipacia-cia jana dipartatai halahi ma hami.

MASMUR 79:4

Gabe siincahan ni angka bangso na hombar hami, dipartatai jana diincahi halahi do hami.

TITUS 2:14

Madung dihaulkon Ia diriNia hara ni hita laho paluahon hita sian hajahatan sudena, jana dibaen Ia hita gabe bangso hapunjunganNia, jana na ringgas mambaen na denggan.

MATEUS 1:21

Sorang ma sian ia sada anak halaklahi, angkon Jesus do baenonmu goar ni Dakdanak i. Harana, giot paluaonNia ma bangsoNa sian angka dosa ni halahi be.”

MIKA 7:19

Maribo ni roha ma Ho mangulahi tu hami jana ampuni ma hami. TaluhononMu do angka dosanami jana ambungkononMu tu tandolan ni laut!

JOEL 2:17

Angka malim na manghobasi di Bagas Ni Tuhan, di antara ni langgatan dohot emper parjolo an, tangis jana mangandungi di jolo ni langgatan jana didok ma, “Haholongi ma ale Tuhan, bangsoMon ulang padiar bangsoMon marlayas jana diparkanciti, jana gabe siincahan ni angka bangso na asing. Biasi sai didokkon halak di tonga-tonga ni angka bangso, ‘Di dia do Debata ni halahi?’ ”

MASMUR 130:8

Giot paluaonNia do hita, bangsoNa, sian sasude dosanta.

MASMUR 119:39

Padao ma habilean na sai huhabiari, angke na denggan do tutu parentaMu.

MASMUR 65:3

Na borat ma da boban ni dosanami, hape diampuni Ho do i sudena.

MASMUR 57:3

Dipalua jana dialusi Ia au sian banua ginjang; ditaluhon Ia angka halak na manyosak au. Patuduhonon ni Debata do paboa na denggan rohaNia tu au, jana na sai manghaholongi au.

MASMUR 51:14

Palua ma hosangku, ale Debata Sipalua au, gabe marjop ni roha ma au paboa-boahon hatigoranMu.

MASMUR 35:21

Dipasala halahi do au jana pio-pio paboa na dung tardapot di halahi pangalahongku.

MASMUR 25:18

Ligi ma pardangolan dohot hasompitanku, jana sesa ma sude dosangku.

MASMUR 25:11

Tuhan, songon janjiMi ampuni ma au, angke bahat situtu do dosangku.

JOEL 2:19

Dialusi Ia ma halahi, songon on didok Ia, “Saonnari Hulehen ma di hamu sude: gandum, anggur dohot miak zetun baen panganonmunu be, anso sude hamu gabe butong be. Nada padiaronKu marlayas hamu sanga sipartataan ni angka bangso.

MASMUR 130:6

Sai huhalungunkon do Tuhan, lumobi sian lungun ni panjago na paintehon torang ni ari, lumobi sian panjago malam na paintehon mataniari bincar.