MASMUR 39:7 - BIBEL JAMITA NA DENGGAN

⁷ Saonnari aha dope na hupainte, ale Tuhan? Tu Ho do au mararop roha.

MASMUR 39:7 Referans Kwoze

SURAT NI SI PAULUS TU PARLAGUTAN ROM 15:13

Debata do arop ni rohamunu. Sai digohi Ia ma rohamunu dohot jop ni roha bope dohot hasonangan di bagasan haporsayaanmunu tuSia, anso mur mararop roha hamu tu Debata baenon ni gogo ni Tondi Parbadia.

MASMUR 38:15

Haru pe songon i, mararop roha tu Ho do au, ale Tuhan, jana dialusi Ho au, Ho ale Tuhan, Debatangku.

MASMUR 119:81

Malungun situtu do rohangku di haluaan na sian Ho, ale Tuhan, janjiMu do na huhaposi.

MASMUR 119:166

Hupainte do haluaan sian Ho ale Tuhan, jana hukarejohon do na nidokkonMu.

PAMUNGKAAN 49:18

O Tuhan, hum haluaan na sian Ho do na hupainte-inte.

JOB 13:15

Nada parduli be di bagi aha hara ni dele ni roha! Muda giot bunuon ni Debata iba, rohana ma diSia. Tapi anggo pangalahongku angkon ampinanku di joloNia.

LUKAS 2:25

Jadi di hatiha i adong ma sahalak di Jerusalem na margoar si Simeon. Halak na burju do ia, na mabiar tu Debata jana na sai paintehon hatihana paluaon ni Debata halak Israel. Didongani Tondi Parbadia do ia.

JOB 14:2

Mangerbang ia jana malos songon bunga; salpu songon halinu lalu mago so tarida.

MASMUR 49:11

Maringanan di kuburan noma halahi salolotna; disi noma halahi mian sapanjang manyahena, haru pe dompak di ngoluna, bahat ladang nampunana.

PARJAMITA 2:21

Harana marsitutu do jolma karejo mamake sude habisuhon, parbinotoan dohot sinaloanna laho parayak sanga na aha. Hape di ujungna angkon tadingkononnia do sude suha ni halolojana i tu halak na so jungada hodohan saotik pe salaho tusi. Jadi, i pe laing magopo do, jana gabe hasusaan godang!

PARJAMITA 4:8

Adong do halak na mamunjung ngoluna so mardakdanak, sanga pe marhahanggi. Haru songon i pe, laing marsitutu do ia karejo jana rohania pe nada jungada sonang dibaen artania. Na giot di ise dehe ia maridi hodok dohot na manulak sude hasonangan? I pe laing magopo do, jana i ma sada parngoluon na mardangol.