MASMUR 37:8 - BIBEL JAMITA NA DENGGAN

⁸ Ulang ho dirajai muruk dohot susa ni roha, hum na pamaol-maolkon dirimu do i sudena.

MASMUR 37:8 Referans Kwoze

PODA 14:29

Halak na sobar bidang do pangastuionna, tapi halak parmuruk na pagodang haotoanna.

PODA 16:32

Lumambat muruk dumenggan dope i sian na markuaso; mangarajai diri gumonan dope sian na patalu kota.

EPESUS 4:31

Salpuhon hamu ma sandok hancit ni roha, hosom dohot muruk. Ulang be manyonggahi hamu sanga panyaor-nyaorkon, ulang be adong na margoyak ni roha sanga pangkilalaan na sarupa dohot i.

EPESUS 4:26

Muda muruk hamu, ulang oloi hamu gabe jabat mardosa hara ni na muruk i. Ulang ma muruk hamu sasadari.

KOLOSSE 3:8

Tapi anggo saonnari angkon ambungkononmunu do angka pangalaho sisongon on sian dirimunu: Muruk, na manyonggahi dohot na margoyak ni roha mida halak. Ulang jabat ruar hata sian hamu na panyaor-nyaorkon sanga hata na hodar.

JOB 5:2

Hum halak na bodo sun do na mate hara ni hancit ni rohana sajo.

JUNUS 4:1

Muruk sajo ma si Junus nada sonang rohania di haputusan ni Debata i; mur muruk ma ia.

JUNUS 4:9

Tapi didok Debata ma tusia, “Nada didalanna gabe songon i arsakmu hara ni suan-suanan i!” Didok si Junus ma mangalusi, “Biasi nada? Dalanna ma da au muruk sajo lopus mate.”

JOB 18:4

Hum na mamparhanciti dirimu do hamumurukmi. Angkon mago ma he pangisi ni portibi hara ni ho dipasari-sari, jana angka dolok pindahonon sian ingananna i?

MASMUR 73:15

Sugari na dung songon i rohangku, nada marpangalaho be au songon sahalak sian bangsoMu.

MASMUR 31:22

Mabiar do au anggo di hatiha i jana marpikir, “Madung dipaorot Tuhan au lakna sian adopanNa.” Hape madung habegean tu Ho pangidoanku, di na pio-pio au tu adopanMu.

MASMUR 116:11

haru pe huambang di bagasan puntol ni pikiranku, “Sahalak pe nada adong haposan ni roha.”

1 RAJA-RAJA 11:22

“Biasi?” ning raja i manyapai. “Adong he na hurangan ho dison, umbaen na giot mulak ho tu tano hatubuanmu?” “Nada nian,” ning si Hadad, mangalusi, “Tapi padiar ma songon i kehe au.” Jadi mulak ma ia tu tano hatubuannia.