MASMUR 37:7 - BIBEL JAMITA NA DENGGAN

⁷ Pasonang ma rohamu paintehon Tuhan, sobar ma ho paima-imahon lopus dibaen Ia tindakan. Ulang mangiburu mida halak na mardohar, na mandapot hara ni na paoto-otohon.

MASMUR 37:7 Referans Kwoze

MASMUR 27:14

Mararop roha tu Tuhan ma da, haporsayai ma, ulang padele roha. Tu Tuhan ma mararop roha.

MASMUR 62:5

Hupasada do rohangku paintehon Debata, hum tuSia do au mararop roha.

PODA 20:22

Ulang nibaloskon hajahatan. Nihaporsayaan ma Tuhan, anso Ia paturehon.

HABAKUK 2:3

Suratkon ma i, angke nada saonnari dope hatihana. Tapi manigor ro ma hatihana i, jana musti tarjadi sanga aha na Hudokkon i tu ho. Haru pe laing honok dope idaon, tapi painte sajo ma! Pasti do ro hatiha ni i jana nada dipalambat-lambat.

JEREMIA 12:1

Muda hupatigor parkarongku di adopanMu ale Tuhan, tontu torang do tarida laing Ho do na tigor. Tapi laing por do rohangku marsapa tu Ho taringot tu soal hatigoran: Biasi sonang halak na jahat? Biasi ma he halak na geduk mardohar?

MASMUR 40:1

Sobar do au paintehon pangurupi ni Tuhan; ditangihon jana diparrohahon Ia do pio-piongku.

JESAYA 30:15

Tuhan Debata, Debata Na Badia ni Israel, mandok tu bangsoNia, “Manopoti sala ma hamu tu Au, gabe paluaonKu ma hamu. Haporsayai hamu ma Au di bagasan roha na sonang, gabe pargogoanKu ma hamu.”

MASMUR 62:1

Hupainte Debata, di bagasan sada ni rohangku, hum sian Ia sajo do haluaanku.

GALATIA 6:9

Hara ni i, ulang ma loja hita mambaen angka na denggan; angke muda inda marnaloja hita mambaen angka pangalaho na songon i angkon sabionta do suha ni i di hadudumpang ni hatihana.

JESAYA 8:17

Madung ditabunihon Tuhan diriNa maradopkon bangsoNia, tapi anggo au porsaya jana mararop roha do tuSia.

JOSUA 10:12

Di ari i, di na nilehen ni Tuhan hamonangan tu halak Israel maradopkon halak Amori, mangkuling ma si Josua tu Tuhan. Jana di adopan ni halak Israel didok si Josua ma, “O, mataniari! Maradian ma ho di ginjang ni Gibeon. Jana ho, bulan! Ulang ho morot sian ginjang ni Rura Ayalon.”

PARJAMITA 5:8

Ulang ma longang muda niida parkuaso mamisat halak na pogos, mangarampas hak ni halahi jana nada dilehen hatigoran tu halahi. Diondihon atasanna do ganop pagawe jana halahi na dua diondihon pajabat na umpangkat.

JUNUS 1:11

Jadi laing mur manggasa-gasa muse do torus ombak i, lalu disapai angka parkapal i ma tusia, “Bia noma baenonnami tu ho anso mantak ombak on?”

DANIEL 11:36

Roha-roha ni raja Siria ma baenonna. Dokkononnia ma sian ginjang ni rohana, bahaso na gumodang ia ulang pado sandok debata na dia pe i. Salang sian Debata Na Gumincat i pe laing gumodang dope ia didok rohania. Tarpupu ia dope mambaen songon i lopus dapot hatihana uhumon ni Debata ia. Tumbuk do sibaenon ni Debata hombar tu sangkap na nibaenNia.

MASMUR 50:8

Nada hara ni haulmunu i umbaen na Huuhumi hamu; sai di jolongKu do anggo haul i na nitutungmunu.

ESTER 3:15

Tibu ma markehean angka suruan na pataruhon surat i tu sude propinsi ni harajaan i. Diparentahon raja i ma anso laing dipabotohon barita i di Susan, kota sabungan ni Persia. Dung salpu i juguk-juguk ma si Haman dohot raja i minum anggur, tapi anggo kota Susan ma pola gaor patunda ni barita i.

JOB 35:14

Mur ma muda didok ho, ale Job na so tarida Ia di ho, na dung lalu parkaromu tu joloNa jana tarpainte-inte ma ho diSia!