MASMUR 37:10 - BIBEL JAMITA NA DENGGAN

¹⁰ Manigor tibu do mago anggo parjahat, muda nijalahan, nada be ia haidaan.

MASMUR 37:10 Referans Kwoze

JOB 24:24

Santongkin do ia masonang, hape dung salpu i kehe ma ia sapanjang. Malos ma ia songon ruput na so marguna; songon burir ni eme na nisabi sian bonana.

1 PETRUS 4:7

Na giot dapot ne ma ujung ni sasudena. Hara ni i, rajai hamu ma dirimunu jana torang ma rohamunu anso tarbaen hamu martangiang.

MASMUR 103:16

muda diombus alogo, manigor mago ma ia, nada adong be marnidasa mangulaki.

MASMUR 52:5

Tapi roncohonon ni Debata do ho muse salolot-lolotna; sian bagasmu ho tangkupon jana saratonNia, jana tu inganan ni na mate ma ho paimbaronNa.

MASMUR 49:10

Sanga ise pe tarbaensa do mangaligi, halak na marroha pe laing mate do. Halak na bodo dohot na oto laing rap abis, jana manadingkon sinadonganna di halak na asing.

JOB 14:10

Hape mate jolma i, abis ma parsorionna; marujung ma ngolunia, gabe tu dia noma kehena?

ESTER 7:10

Songon i ma si Haman digantung di tiang na nipajongjongnia i baen di si Mordehai. Dung salpu pe i anso mombun rimas ni raja i.

JOB 7:21

Na so tarampuni Ho be he dosangku? Na so tarbaen sesaonMu be lakna salangku? Santongkin nari mambustang noma da au di kuburan, jana muda dijalahi Ho au, nada adong be sidumpangan.”

2 RAJA-RAJA 9:25

Jadi didok si Jehu ma tu si Bidkar pangawalnia i, “Diingot ho dope dompak na markudo i hita mangihutkon si Ahab amang ni si Joram i, didok Tuhan do tu si Ahab, ‘Huboto do sanga ise na mamunu si Nabot dohot angka dakdanakna i natuari. Jana marjanji do Au angkon laing di kobun on do ho uhumonKu.’ ” Hara ni i, ning si Jehu tu pangawalnia i, “Sampakkon ma bangke ni si Joram i tu kobun ni si Nabot i, anso laing tulus uhuman ni Debata i tusia.”

JOB 20:5

hamogaan ni parjahat parsantongkinan do da, jana hasonangan ni na so ture hum sangkinidop mata?

PODA 14:11

Bagas ni halak na denggan tong do togu, bagas ni halak na jahat marayak maronco.