MASMUR 36:6 - BIBEL JAMITA NA DENGGAN

⁶ HadenggananMu marsijongjong songon gincat ni dolok, jana hatigoranMu songon bagas ni laut. Jolma dohot angka binatang, dipasari-sari Ho do, ale Tuhan.

MASMUR 36:6 Referans Kwoze

1 TIMOTEUS 4:10

Hara ni i ma dibaen na manggogo hita jana marsitutu na karejo i, hara ni sude arop ni rohanta tu Debata na mangolu i; Ia do Sipalua ni jolma sasudena, lumobi ma i angka halak na porsaya.

SURAT NI SI PAULUS TU PARLAGUTAN ROM 11:33

Bagasna i antong hamoraon, habisuhon dohot parbinotoan ni Debata! Na so tardodo do angka haputusanNia, jana nada tarastui angka dalanNia.

MASMUR 77:19

Mardalan do Ho mamolusi galumbang, didalani Ho lautan, hape andegeMu nada haidaan.

MASMUR 71:19

Sagincat ni langit hatigoranMu, ale Debata; na godang do karejo ni tanganMu, ise ma he na tarpatudos tu Ho?

JESAYA 45:19

Nada Au mandok hata marsibuni-sibuni, sangkapKu nada i Hututup-tutupi. Nada Hupangido sian bangsongKu Israel anso jalahanna Au di inganan na lungun di na pinjil. Au do Tuhan; na patangkas habonaran, jana Hubaritahon hatigoran.”

MASMUR 145:9

Burju do Ho tu ganop jolma, jana dihaholongi Ho do sude na nitompaMu.

MASMUR 97:2

Ombun dohot hagolapan manggupgupi Ia, hatigoran dohot uhum do ojahan ni pangarajaionNia.

MASMUR 92:5

Ale Tuhan, na godang ma antong angka pambaenanMu, bagasna i antong angka pikiranMu!

SURAT NI SI PAULUS TU PARLAGUTAN ROM 3:25

Jesus Kristus do na nipatumbuk ni Debata, gabe haul pardengganan markite-hite haporsayaan di mudarNia anso dipatidahon Ia hatigoranNia, angke dipadiar Ia do dosa i di hatiha hasobaranNia.

JUNUS 4:11

Patut ma da marsak Au pasari-sari Ninive, kota na godang i. Angke asing sian angka pahan-pahananna na so taretong i, adong do disi lobi 120.000 dakdanak na so marsala.”

JESAYA 40:28

Na so diboto ho dope? Na so dibege ho do? Tuhan na manongtong do anggo Debata. Ditompa Ia tano on sudena, nada unjung Ia loja sanga ngolngolan. Sahalak pe nada tarbaen mangastui angka pikiranNia.

MASMUR 147:9

Dilehen Ia do jampalan di pahan-pahanan, di anak ni sigawak na nguak-nguak.

JOB 37:23

Na godang ma da kuaso ni Debatanta, nada sanggup iba mandonohisa, markuaso jana tigor do Ia sapanjangna; na so jungada do dihapit hita jolma.

JOB 7:20

O, ale panjagongku, rugi ma he Ho hara ni dosangku? Biasi ma he pakeonMu au gabe hahonaan ni porangMu? Sadia dokdok lakna soratMu patundangku?

NEHEMIA 9:6

Dung i martangiang ma rayat ni Israel songon on, “Ho do antong Tuhan, ho do na sun sasada: Dijadihon Ho do bintang dohot sude angkasa. Songon laut dohot tano maradu sude isina. Lalu dilehen Ho ngoluna jana manyarihonsa. Sude kuaso na di langit marsomba sujud. Tunduk halahi tu Ho jana mangunduk.

1 SAMUEL 14:15

Gurgar halak Pilistin dibaen barita i di parbandaran dohot na di padang-padang. Gabe mabiar ma sude rayat ni Pilistin dohot angka na di benteng maradu angka rombongan ni pangarampas; salang tano i antong humutur jana masa hagaoron godang.

PANGARATAION 32:4

Tuhan ma da na mangondihon ho gumogo, sude dalanNa tigor jana sanggam do. Setia do Debatamu jana ias rohaNa, na denggan dohot na patut do dibaen Ia.

HARURUAR 9:28

Tangiangkon hamu ma tu Tuhan, madung tuk parkancitannami dibaen ambolas on. Marjanji ma au laho paloaskon hamu kehe. Indangkon pola tinggal be hamu dison.”

PAMUNGKAAN 18:25

Pasti do na so ra Ho mamunu angka halak na so marsala i rap dohot na marsala. Inda masuk di akal! Inda mungkin ra Ho mambaen songon i. Sugari sura dibaen Ho songon i, gabe sarupama angka halak na so marsala dohot na marsala. Hape nian matua na tigor do anggo Panguhum ni sandok na adong.”

JEREMIA 12:1

Muda hupatigor parkarongku di adopanMu ale Tuhan, tontu torang do tarida laing Ho do na tigor. Tapi laing por do rohangku marsapa tu Ho taringot tu soal hatigoran: Biasi sonang halak na jahat? Biasi ma he halak na geduk mardohar?

PANGARATAION 7:9

Ingot hamu ma! Sasada Tuhan Debatamunu i do Debata, jana Debata na setia do Ia. Tu angka na manghaholongi Ia jana na mangoloi angka parentaNia, patulusonNia ma janjiNa jana patuduhononNia ma holong ni rohaNia na manongtong i lopus tu sundut pasaribuhon.

MASMUR 31:20

Ditabunihon Ho do halahi di linggomanMu, maradopkon tipu akal ni parjahat. Dilinggomi Ho do halahi di inganan na sonang, maradopkon incak ni musuna.

ANDUNG 3:23

mulak imbaru do i ganop manyogot; songon parbincar ni mataniari do habonaran ni Tuhan.