MASMUR 34:5 - BIBEL JAMITA NA DENGGAN

⁵ Mararop roha tuSia do halak na hona sosak, marjop ni roha ma halahi jana nada maila.

MASMUR 34:5 Referans Kwoze

IBRANI 12:2

Tu Jesus ma tatatap, na manogu-nogu hita di bagasan haporsayaan, jana na maroban haporsayaanta i tu hasanggaman. Ditaonkon Ia do mate di hayu parsilang gonti ni jop ni roha na dung diparade diSia, jana juguk do Ia nuaeng di siamun ni habangsa ni Debata.

MASMUR 25:3

Sai na pataluon do sanga ise halak na manjehei Ho, na pasti monang do halak na manghaposi Ho.

MASMUR 18:28

Ho do hatiuranku, ale Tuhan Debatangku, Ho do na markuaso di hagolapanku.

MASMUR 97:11

Halak na tigor ditorangi sinondang, halak na jujur gok jop ni roha.

MASMUR 36:9

Ho do mual haroroan ni ngolu di sude na adong, di bagasan sinondangMu hami ida na torang.

JESAYA 60:5

Marnida i gabe longang jana minar bohimu, gok andoramu hara ni jop ni rohamu. Sinadongan ni angka bangso dioban tu jolomu, mabaor taripar laut manggohi haporluanmu.

JESAYA 45:22

O hamu sude na mangingani portibi; sasada Au do da Debata. Saonnari marbalik ma hamu tu Au, anso dipalua hamu.

MASMUR 13:3

Parate-atehon jana alusi au, ale Tuhan Debatangku. Pargogoi au jana ulang padiar mate au,

MASMUR 83:16

Ale Tuhan, baen ma halahi marmalu-malu, anso dioku halahi noma kuasoMu.

ESTER 8:16

Dabu jana sonang ma roha ni halak Jahudi, marmoga-moga jana margodang ni roha.

2 SAMUEL 19:5

Kehe ma si Joab mangadop tu raja i jana didok ia ma, “Sadari on dipaila raja i do parangan ni raja i – halahi do paluahon hosa ni raja i, hosa ni sude anak, hosa ni boru, ripe dohot rading ni raja i.

1 SAMUEL 23:13

Jadi manigor morot ma si Daud dohot parangan i hira-hira onom ratus halak sian Kehila jana mimbarimbar ma halahi sian inganan na sada tu inganan na asing. Dung dibege si Saul na dung luncat si Daud sian Kehila, disundati ia ma maksudnia laho mamorangi si Daud.

MASMUR 3:5

Hupapayak jana modom au sonang, diramoti Ho do au borngin mamanjang.

MASMUR 50:15

Muda ro hasusaan, pio-pio ma ho tu Au paluaonKu ma ho, jana pujionmu ma Au.”

MASMUR 50:23

Sanga ise na mandok tarimakasi baen haulna, i do na pasangapkon Au. Tu halak na tigor ngoluna, patuduhononKu ma haluaan na sian Au.

MASMUR 138:3

Mangalusi do Ho muda pio-pio au tu Ho, marhite hagogoanMu, au dipargogoi Ho.