MASMUR 34:4 - BIBEL JAMITA NA DENGGAN

⁴ Martangiang au, gabe dialusi Tuhan, dipalua Ia do au sian sandok sihabiaran.

MASMUR 34:4 Referans Kwoze

MASMUR 18:6

Di na tarsosak au hupiohon Tuhan, mangkuling tu Debata mangido partolongan. Sian BagasNa do Tuhan manangihon, dibege Ia sorangku mangido pangurupion.

MATEUS 7:7

“Pangido hamu ma, gabe manjagit ma hamu. Jalahi hamu ma, gabe dapotan ma hamu. Tuktuhi hamu ma pintu, gabe dibuka ma pintu i di hamu.

MASMUR 56:3

Muda mabiar au, mararop roha tu Ho do au.

2 TIMOTEUS 1:7

Harana anggo Tondi na nilehen ni Debata tu hita, nada Tondi na mambaen hita gabe parbiar. Tapi na patoguhon hita do Tondi i, na manggohi hita dohot holong ni roha jana na margogoihon hita mangorom dirinta.

JUNUS 2:2

“Ale Tuhan, pio-pio do au tu Ho di bagasan hasusaanku jana dialusi Ho do au. Sian inganan ni jolma na mate mangido partolongan au, ditangihon Ho do pangidoanku jana diparrohahon Ho.

JESAYA 12:2

Debata do da haluaanku, porsaya tuSia do au. Nada adong na mambaen au mabiar, angke Tuhan Debata do hagogoanku dohot ende-endengku, Debata do na paluahon au, Ia do haluaanku.

MASMUR 31:22

Mabiar do au anggo di hatiha i jana marpikir, “Madung dipaorot Tuhan au lakna sian adopanNa.” Hape madung habegean tu Ho pangidoanku, di na pio-pio au tu adopanMu.

IBRANI 5:7

Hatiha di ngolu ni Jesus di tano on, mangangguk godang do Ia tangis martangiang dohot pasahatkon angka pangidoanNia tu Debata, na margogo paluahon Ia sian hamatean. Boti hara ni na mangoloi Ia tu Debata mardongan sangap na gok, gabe ditangihon Debata do pangidoanNia i.

LUKAS 11:9

Jadi, Au pe Hudok ma di hamu: Pangido hamu ma, lehenon do di hamu; jalahi hamu ma, dapotan do hamu; tektehi hamu ma, ungkapon do pintu tu hamu.

MASMUR 22:24

Angke nada dipadiar Ia halak na niparkancitan, jana nada nayang rohaNia di pardangolanna. Nada dihudukkon Ia halahi, tapi mangalusi do Ia muda pio-pio halahi tuSia.

MASMUR 46:2

Gabe nada mabiar hita, haru pe humutur portibi on, dohot angka dolok marbonoman tu tandolan ni laut.

2 JUJUR TAON 15:2

jadi gabe kehe ma ia mandapotkon Raja Asa, jana didok ia ma, “Ale Raja Asa, dohot sude halak na maringanan di Juda dohot Benyamin! Tangihon ma! Donok do Tuhan tu hamu muda donok hamu tuSia. Muda mangido panogu-noguon hamu tuSia, lehenonNia ma i. Tapi muda nada parduli hamu diSia, Ia pe nada parduli di hamu.

1 SAMUEL 27:1

Marpikir ma si Daud di bagasan rohania, “Bagi na bia pe, di sada hatiha angkon laing bunuon ni si Saul noma au. Jadi nada adong be dalan na asing di au sian na maporus tu tano ni halak Pilistin. I noma mangantak si Saul manjalahi au di Israel jana gabe malua au.”

MASMUR 35:27

Sai marjop ni roha ma nian sanga ise na marpor ni roha mida au nipatigor. Sai mulak-ulak ma nian didok halahi, “Na godang ma da antong Tuhan! GiotNia anso dapotan haluaan ma nian naposoNa i.”

MASMUR 40:17

Na gale do au on jana na pogos, ale Tuhan, hape diparrohahon Ho do au. Ho do na mangurupi dohot na paluahon au, tibu ma Ho ro, ale Debatangku!