MASMUR 34:3 - BIBEL JAMITA NA DENGGAN

³ Pagodang ma Tuhan rap dohot au, beta ma rap hita pasangapkon goarNia.

MASMUR 34:3 Referans Kwoze

MASMUR 69:30

Jadi gabe pujionku ma Debata marhite ende, pagodangonku ma Ia marhite puji tarimakasi.

LUKAS 1:46

Ning si Maria ma, “Dipuji rohangku do Tuhan i,

MASMUR 40:16

Sai marmoga-moga jana marjop ni roha ma sandok halak na manjalahi Ho. Sai sude ma nian mandok tarimakasi hara ni haluaan na nilehenMu torus mandok, “Na godang ma da Tuhan tutu!”

MASMUR 66:8

O hamu angka bangso, puji hamu ma Debatanami, pagogo hamu ma soramunu mamuji Ia!

MASMUR 35:27

Sai marjop ni roha ma nian sanga ise na marpor ni roha mida au nipatigor. Sai mulak-ulak ma nian didok halahi, “Na godang ma da antong Tuhan! GiotNia anso dapotan haluaan ma nian naposoNa i.”

HALUMBAAN 14:7

Marsurak ma surusuruan i gogo sajo, “Habiari ma Debata jana puji ma hagodanganNia! Angke madung dapot hatihana dabuhonon ni Debata uhuman tu jolma. Somba hamu ma na manjadihon langit, tano, laut dohot angka mual ni aek i!”

2 JUJUR TAON 29:30

Disuru raja dohot angka hatobangon ni rayat i ma endehonon ni angka halak Levi i puji-pujian tu Tuhan na nikarang ni si Daud dohot Panurirang Asap. Marjop ni roha situtu ma sude jolma i na marende i lalu marsinggang manyomba Debata.

1 JUJUR TAON 29:20

Dung ditangianghon ia songon i didok si Daud ma tu halak na bahat na marlagut disi, ning ia ma, “Puji hamu ma Tuhan Debatamunu i!” Jadi dipuji halahi ma Tuhan, Debata na nisomba ni angka ompu ni halahi i. Manungkap ma halahi pasangapkon Tuhan dohot raja i.

BAENON NI ANGKA RASUL 19:17

Jadi tarboto ma na songon i tu sude halak Jahudi dohot tu halak Junani na adong di Epesus, gabe mabiar be ma halahi sude. Tapi anggo goar ni Tuhan Jesus mur marsangap ma.

PILIPPI 1:20

Hum on ma i na sai hupangidohon dohot na huaropkon: Ulang nian gabe so tulus sidung karejongku. Sai diarop rohangku do tongtong lumobi saonnari anso mur puluk au sian sudena roha bope pamatangku – sanga mangolu sanga na mate pe au – laing nipasangap ma Kristus.

1 JUJUR TAON 16:10

Tuhan na sada do Ia. Ia do nampuna hita, beta ma marjop ni roha hita. Sai marjop ni roha ma sudena na marsomba Ia.

MASMUR 69:33

Dibaen ditangihon Tuhan antong halak na lebak, nada dihalupahon Ia bangsoNia na di hurungan.

JEREMIA 9:23

Didok Tuhan ma, “Nada pola manggodang na pistar hara ni hapistaranna, halak na gogo hara ni hagogoanna, dohot halak na kayo hara ni sinadonganna.

JEREMIA 9:24

Sanga ise na giot manggodang hara ni bagi aha, manggodang ma hara ni na nitandana Au; jana diboto angka sangkapKu. Dibotosa do na so marujung holong ni rohangKu jana bonar boti tigor pambaenanKu. Sudena do i pajop rohangKu. Au do Tuhan na mandok i sudena.”