MASMUR 34:18 - BIBEL JAMITA NA DENGGAN

¹⁸ Donok do Tuhan tu halak na mandele, dipalua Ia do halak na manderse rohana.

MASMUR 34:18 Referans Kwoze

MASMUR 147:3

Dipamalum Ia halak na marnyae roha, jana dibalut Ia angka bugangna.

MASMUR 145:18

Donok do Ia tu halak na pio-pio tuSia, tu ganop halak na martangiang sian bulus ni rohana.

JESAYA 57:15

Angke songon on do pandok ni Na Gumincat jana Na Marmulia na marhabangsa salolotna jana Na Sun Badia goarNa: “Di inganan na gincat jana badia do habangsangKu, tapi rap muse do dohot halak na magopu jana na toruk rohana, laho pangoluhon arop ni roha ni halak na toruk roha dohot laho pangoluhon roha ni halak na magopu.

JESAYA 61:1

Dirajai Tondi Ni Tuhan Debata i ma au; dipili jana disuru Ia au, laho maroban jamita na denggan tu halak na pogos dohot na lebak, jana pamalumkon halak na magopu rohana; laho pabotohon tu halak tahanan paboa na tibu noma halahi dapotan haluaan, dohot tu angka jolma na di hurungan bahaso halahi na dung mardeka.

MASMUR 51:17

Anggo haul na tabo di Ho, ale Debata, i ma roha na magopu, roha na unduk jana na muba nada ditulak Ho.

JEHESKIEL 36:26

Jadi Hulehen ma roha na imbaru dohot pikiran na imbaru gontionKu ma rohamunu na pir songon batu, jana lehenon roha pangoloion.

JESAYA 66:2

Nada he tanganKu do mambaen sasudena umbahen masa na songon on? Songon i do pandok ni Tuhan. Tapi tu halak si songon on ma nolnol Au marnida, jolma na tartindas dohot na maheu, na mabiar tu hatangKu.

MASMUR 85:9

Tutu ma da, na maringanan Debata na godang di tanonta, jana madung hobas paluahon halak na burju marugamo.

JESAYA 55:6

Jalahi ma Tuhan dompak tarbaen dope dapot, pio hamu ma Ia salolot laing donok dope Ia.

LUKAS 4:18

“Tondi Ni Tuhan do na adong di Au, angke madung dimiahi Ia do Au laho mamaritahon Jamita Na Denggan na sian Debata tu halak na pogos, jana disuru Ia do Au paboahon haluaan tu angka na tartangkup dohot parnidaan tu angka na mapitung; laho paluahon halak na marhancit,

MASMUR 119:151

Hape donok do Ho Tuhan tu au, topet do sude parentaMu.

2 RAJA-RAJA 22:19

Jana hara ni i gabe manyosal ho jana dipatoruk ho dirimu di jolongKu. Disibakkon ho do pakeanmu jana tangis ho tanda ni marsakmu di na nibegemu ancaman na Hudok giot manguhumi Jerusalem dohot halak na maringanan disi, jana mambaensa gabe panatapan na jorbut, jana goar ni Jerusalem gabe goar bura noma. Tapi madung Hutangihon tangiangmi.

JEHESKIEL 36:31

Taringot ma rohamunu tu pangalaho na jat dohot pambaenanmunu na so patut i, dung i gabe sobalan ma hamu di dirimunu hara ni angka dosa dohot hagigian na nibaenmunu i.

MASMUR 75:1

Mandok tarimakasi do hami tu Ho, ale Debata! Mandok tarimakasi do hami. Hami pio do goarMi, hami paboa do pambaenanMu na godang i.

2 RAJA-RAJA 20:5

mangulahi mandapotkon si Hiskia raja ni bangso ni Tuhan jana dipalalu ia ma tona on, “Au do Tuhan na nisomba ni ompumu si Daud, madung Hubege tangiangmi jana Huida do ilu ni matami. Hupamalum pe ho; ancogot haduan kehe ma ho tu Bagas Ni Debata.

MASMUR 18:7

Dung i humutur ma tano bope bona ni dolok humutur, harana muruk ni Debata madung gurgur.

MASMUR 145:19

Dipasonang Ia do roha ni angka na burju marugamo, ditangihon Ia do pio-pio ni halahi jana dipalua Ia.