MASMUR 34:10 - BIBEL JAMITA NA DENGGAN

¹⁰ Angka singa pe markancit hara ni na malean hape dilehen do sude na denggan anggo tu halak na manjalahi Tuhan.

MASMUR 34:10 Referans Kwoze

MASMUR 84:11

Angke pangondian na gogo do Tuhan Debata, na mangalehen sangap dohot basa-basa di hita. Sai marpupu do dilehen Ia hadenggananNia tu halak na patuluskon hagiotNia.

MATEUS 6:32

Halak na so mananda Tuhan do na tongtong manggogo manjalahi na songon i. Hape nian diboto Amangmunu na di banua ginjang i do, sude na porlu di hamu.

MASMUR 104:21

Angka singa jara-jara marngaur manjalahi soroan, mangido sipanganon sian Debata.

MASMUR 23:1

Songon sada parmahan do Tuhan di au, nada adong hurang bagi aha di au.

MASMUR 33:19

Dipalua Ia halahi sian hamatean, jana dipangolu Ia halahi di hamamasa ni haleon.

MASMUR 112:3

Makmur jana maradong ma di bagasna, marhasonangan ma ia sapanjangna.

PODA 10:3

Nada padiaron ni Tuhan halak na burju malean; tapi anggo hagiot ni halak na jahat nada marhatulusan.

PODA 19:23

Biar mida Tuhan parohon hangoluan, jadi marbongin ma jolma di bagasan jop ni roha, nada ditinggang parhancitan.

PODA 22:4

Halak na burju mangoloi Tuhan jana patoruk rohana, gabe martua, sangap jana sonang ngoluna.