MASMUR 33:6 - BIBEL JAMITA NA DENGGAN

⁶ Dilehen Tuhan ma parenta, gabe adong ma langit, mataniari, bulan dohot bintang dijadihon hataNia.

MASMUR 33:6 Referans Kwoze

IBRANI 11:3

Hara ni haporsayaan, gabe mangarti hita bahaso hata na nidok ni Debata do manjadihon hasiangan on; jadi sanga aha na tarida, sian na so tarida do i tarjadi.

2 PETRUS 3:5

Sangajo na so ra do halahi umbotosa paboa na nitompa ni Debata do langit dohot tano on narobi markite-hite hata ni Debata; tano on pe sian aek do ditompa jana mardongan aek;

JOB 33:4

Madung ditompa Tondi Ni Debata au jana dilehen do dohot ngolungku.

MASMUR 33:9

Angke mandok hata Ia, gabe tarjadi ma sasudena dibaen Ia parenta, gabe adong ma sasudena.

PAMUNGKAAN 2:1

Songon i ma dipasidung sudena langit dohot tano bope isina sudena.

PAMUNGKAAN 2:7

Dung i dibuat Tuhan Debata ma saotik tano i, jana dibaen Ia ma sada jolma sian tano i; jadi diombuskon Ia ma hosa hangoluan tu lubang ni igung ni jolma i, gabe mangolu ma jolma i.

JOHANNES 20:22

Dung didok Ia songon i mangombus ma Ia tu halahi jana ning Ia ma, “Jagit hamu ma Tondi Parbadia.

PAMUNGKAAN 1:6

Dung i mangkuling ma Debata, “Jadi ma awang-awang manyirang aek i gabe dua bope lalu manahan aek i di inganan na paasing-asing” – gabe jadi ma songon i. Songon i ma dibaen Debata mambaen awang-awang na manyirang aek na di toru ni awang-awang i sian aek na di ginjangna.

JOB 26:13

HosaNia do manyapu langit jabat maradu sihar; dibunu Ia do naga na giot maporus dohot tanganNia.

PAMUNGKAAN 6:7

jabat didok Ia, “Huabiskon noma jolma na Hutompa on, dohot sude binatang bope angka unggas i, harana manyosal do Au manompa halahi.”

SURAT NI SI PAULUS TU PARLAGUTAN ROM 1:25

Dipasambar halahi ma hasintongan ni Debata tu gabus, jana nada be Panompa i, tapi angka na nitompa i noma tehe disomba jana dioloi halahi. Hape nian angkon na Manompa i do sipujion salolot-lolotna! Amen.

MASMUR 104:30

Tapi muda disuru Ho tondiMu, hona tompa ma halahi dilehen Ho ngolu na imbaru tu portibi on.

PAMUNGKAAN 1:1

Di mulana i ditompa Debata ma langit dohot tano.

PANGARATAION 4:19

Ulang jabat mardosa hamu hara ni na marsomba jana mangoloi tu sanga aha na niidamunu di langit, i ma mataniari, bulan dohot angka bintang. Dipadiar Tuhan Debatamunu do anggo angka bangso na asing manyomba angka i.

JEREMIA 8:2

nada laho palaguton sanga tanomon mangulahi tapi padiaron do rerak di tano i songon rompak. Marserak ma angka holi-holi ni jolma i di las ni ari, di torang ni bulan dohot angka bintang na nihaholongan ni halahi, na nioloanna, na nisomba dohot pangidoan ni panogu-noguon ni halahi.

JEREMIA 10:16

Nada songon angka gana-ganaan i anggo Debata ni si Jakob; Ia do manompa sandok na adong. Tuhan Na Markuaso do goarNia; ditodo Ia do Israel gabe bangsoNa.