MASMUR 33:4 - BIBEL JAMITA NA DENGGAN

⁴ Haposan do sude hata na nidok ni Tuhan, tigor do Ia di sude na nibaenNia.

MASMUR 33:4 Referans Kwoze

MASMUR 12:6

Togu do janji ni Tuhan jana tarpangasahon, songon sere na polin na diuji di bagasan api.

TITUS 1:2

marguru tu arop ni roha di hangoluan na so mantak i. Harana na dung dijanjihon Debata hian do i dompak so dijadihon dope portibi on – jana nada tarbaen Debata margabus.

PANGARATAION 32:4

Tuhan ma da na mangondihon ho gumogo, sude dalanNa tigor jana sanggam do. Setia do Debatamu jana ias rohaNa, na denggan dohot na patut do dibaen Ia.

DANIEL 4:37

Jadi au saonnari, au si Nebukadnesar mamuji, pagincatkon dohot pasangapkon Raja Ni Banua Ginjang. Tutu jana tigor do sude pambaenanNa jana bisa do Ia patorukkon halak na ginjang marroha.”

MASMUR 119:75

Huboto do ale Tuhan, tigor do haputusanMu, hara ni habonaranMu, diuhum Ho au.

MASMUR 19:8

Tumbuk do paraturan ni Tuhan i, pasonangkon roha ni sipangoloi. Polin do na niputuskon ni Tuhan i, mambaen jolma i mangastui.

JOHANNES 14:6

Ninna Jesus ma mangalusi, “Au do dalan i dohot hasintongan dohot hangoluan. Nada adong na tarbaen ro tu Ama i anggo so markite-hite Au.

PODA 30:5

Digohi Debata do sude janjiNia. Songon parince do Ia di sude na ro marsiholip tuSia.

MASMUR 119:128

Hara ni i ma umbaen na huihutkon sude sipaingotMu, jana huhagigihon dalan na sala.

SURAT NI SI PAULUS TU PARLAGUTAN ROM 7:12

Jadi badia do Tona i, parenta i pe badia do, tigor jana denggan.

MASMUR 96:13

Dibaen ro do Tuhan mangarajai tano on, marhite hatigoran diuhumi Ia angka bangso.

PAMUNGKAAN 24:27

Ning ia ma, “Nipuji ma Ho o Tuhan, Debata ni tuanku si Abraham. Torus do ditiop Ho Tuhan janjiMi na tu tuanku si Abraham jana diuluhon Ho do au lalu tumbuk tu koum sisolkotnia.”

MIKA 2:7

Ulang diambang ho na hona bura ni Tuhan halak Israel. Nada unjung salpu sobar ni Tuhan. Nada ra Ia mambaen na songon i. Nada he burju Ia tu angka jolma na tigor pambaenanna?”

MASMUR 25:10

Tu halak na patulus parjanjian dohot aturanNia dibaen Ia holong ni roha dohot habonaranNia.