MASMUR 33:18 - BIBEL JAMITA NA DENGGAN

¹⁸ Dijagohon Tuhan do sanga ise halak na burju mangoloi Ia, halak na mararop roha di holong ni rohaNa sapanjang.

MASMUR 33:18 Referans Kwoze

1 PETRUS 3:12

Angke sai disarihon Tuhan do angka halak na mangihutkon hagiot ni roha ni Debata, jana sai na tangihonon ni Tuhan do angka tangiang ni halahi; tapi dialo Tuhan i do angka halak na mambaen hajahatan.”

MASMUR 147:11

Lomo do roha ni Tuhan tu halak na burju, tu halak na tongtong mararop ni roha tu holongNia.

JOB 36:7

Diondihon Ia do anggo halak na tigor, markuaso halahi dibaen Ia songon raja, lopus dapotan sangap halahi salolot-lolotna.

IBRANI 6:18

Dua pangalaho na so ra muba; nada margabus Debata di janji dohot sumpaNia! Hara ni i, hita angka na marlinggom tu Debata, adong do di hita jaminan na togu anso tongtong mararop ni roha tu na nipasingkop di hita di hatiha na giot ro.

MASMUR 52:8

Hape anggo au tarsongon bona ni zetun na rata do di bagasan Bagas Ni Debata. Huhaporsayai do holong ni rohaNia na manongtong i ro di salolot-lolotna.

MASMUR 13:5

Tapi anggo au mararop ni roha do tu ibo ni rohaMu, marmoga-moga ma rohangku, angke Ho palua au.

1 RAJA-RAJA 17:6

Minum sian anak ni batang aek i ma ia jana mangan roti dohot juhut na nioban ni unggas sigak ganop manyogot dohot ganop potang.

2 JUJUR TAON 16:9

Dijagoi Tuhan do sandok portibi on jana dipatuduhon Ia do hagogooanNia tu angka jolma na setia tuSia. Di pambaenanmi dipataridahon ho do ho na bodo, patunda ni i, mamungka saonnari sai marpupu noma ho mangalami parporangan.”

ESRA 8:22

Maila do au laho mangido tentara na markudo tu raja i, laho manjagohon hami nian maradopkon musu di pardalanan i. Harana madung hudok tusia, bahaso na sai dipasupasu Debatanami do ganop halak na porsaya diSia jana dihasogohon bope diuhum Ia do ganop halak na so setia tuSia.

MASMUR 111:5

Dilehen Ia rasoki di halak na burju marugamo, jana na sai marningot di janjiNia.

JEREMIA 37:21

Jadi gabe diparentahon Raja Zedekia ma anso dihurung au di alaman ni bagas godang. Jadi disi ma au tinggal jana ganop ari dilehen do di au roti sian parmasahan ni roti lopus nada adong be roti di kota i.