Biblia Todo Logo
Bib sou entènèt

- Piblisite -




MASMUR 33:10 - BIBEL JAMITA NA DENGGAN

10 Disundati Tuhan do sangkap ni angka bangso, disoadahon Ia do sangkap ni halahi.

Gade chapit la Kopi




MASMUR 33:10
23 Referans Kwoze  

Dibaen halahi tahi mangalo raja, tapi sangkap ni halahi na jahat i nada marguna.


Hupaoto-oto angka pangaramal, Husursari ramalan ni panjujur nasib. Husungkar angka na nidok ni na malo marhata, Hupatanda na sala habisuhanna.


Muda Tuhan mangalo ho nada adong tarbaen manolong; magopo do hapistaran, sinaloan dohot habisuhon.


Di na dipaboa tu si Daud na dohot muse si Ahitofel rap dohot si Absalom, martangiang ma si Daud, songon on, “O ale Tuhan, sugari disundati Ho ma nian sipaingot ni si Ahitofel!”


Ale Tuhan, ulang ma patulus giot ni siparjahat, ulang padiar manjadi sangkap ni halahi.


Angka bangso na so mananda Ho angkon madabu tu lubang na nihuar ni halahi do. Tu jaring na nitaon ni halahi sandiri Ho mambaen tarjorat halahi.


Dung diida si Ahitofel na so diihutkon hatania i, dipasang ia ma palano ni halodenia, lalu mulak ma ia tu kotania sandiri. Dung dipasidung ia sude urusannia, manyingkot ma ia lalu ditanom di kuburan ni halahi sahorong.


SundatanKu ma angka sangkap ni Mesir jana manderse halahi baenonKu. Pangidoon ni halahi ma pangurupion tu angka gana-ganaan, mangido piruang dohot panogu-noguon tu angka datu dohot angka tondi.


O langit, marende ma ho, angke madung martindak Tuhan, o butuha ni portibi, marsurak-surak ma. Dolok dohot hayu-hayu di harangan, marsurak ma marmoga-moga, pasangap ma Tuhan na manobus Israel, bangsoNia.


Umbege i didok si Absalom dohot halak Israel i ma sude, “Dumenggan do na nidok ni si Husai on sian sipaingot ni si Ahitofel i.” Tutu ma antong na dung diputuskon Tuhan laho manyundati sipaingot ni si Ahitofel na denggan i, anso marmara si Absalom.


Hape tarurupi ho do au, sugari mulak ho tu kota. Jana dokkon ma tu si Absalom, na giot oloanmu ia burju, songon pangoloimu di amangnia na salpu i. Songon i noma dalanna baenonmu anso tarbaen ho mangalo sude sipaingot ni si Ahitofel.


Songon i ma panyarsar ni Tuhan di halahi di tano on sude, jana mantak ma halahi na pajongjong kota i.


Tapi ditonahon si Elisa ma tu raja ni Israel laho paingotkon anso ulang kehe ia tu inganan i, hara ni na disi halak Siria marbandar.


Jadi hara ni i gabe martangiang ma hami tu Debatanami jana hami jagoi ma kota i arian dohot borngin.


SundatanKu ma di inganan on tahi ni halak Juda dohot Jerusalem. PadiaronKu ma halahi rumpak baenon ni podang ni musu, baenon ni tangan na giot mambuat hosa ni halahi. PadiaronKu ma bangke ni halahi dipapangani angka unggas na di langit dohot angka binatang na di tano on.


Giotmunu nian tudos ma hamu dohot angka bangso na asing i dohot tu halak na maringanan di tano sileban na manyomba hayu dohot batu. Tapi nada lalu anggo giot ni rohamunu.’ ”


Sugari rupani didok halak Edom pomparan ni si Esau i, “Madung dironcohon angka hutanami, tapi bangunonnami ma i mangulahi,” jadi alusan ni Tuhan Na Markuaso i ma, “Haru pe dibangun halahi mangulahi, rumpakkononKu do i muse. Goaron ni halak ma halahi ‘Tano na durako’ dohot ‘Bangso na nimuruhan ni Tuhan sapanjangna.’ ”


Swiv nou:

Piblisite


Piblisite