MASMUR 32:8 - BIBEL JAMITA NA DENGGAN

⁸ Didok Tuhan, “Hupatuduhon pe dalan sibolusonmu. Hutogu pe ho jana Hupaingot.

MASMUR 32:8 Referans Kwoze

MASMUR 33:18

Dijagohon Tuhan do sanga ise halak na burju mangoloi Ia, halak na mararop roha di holong ni rohaNa sapanjang.

MATEUS 11:29

Ihutkon hamu ma na Hudok, marsiajar ma hamu tu Au! Angke na lambok do Au jana na serep marroha, jadi togar ma tondimunu.

JESAYA 49:10

Nada malean halahi sanga manguas, alogo na milas dohot mataniari na mamilngas pe nada hona tu halahi, Au na manghaholongi halahi, sai mandongani, jana tu angka mual na gok aek toguonKu halahi.

PODA 3:1

Ulang ma halupahon sanga aha na dung huajarkon tu ho, ale anakku. Sai paingot-ingot ma na huparentahon,

MASMUR 34:11

Tangihon ma, sude hamu angka dakdanak, huajari hamu pasangapkon Tuhan.

PAMUNGKAAN 24:48

Manungkap ma au marsomba jana mamuji Tuhan, Debata ni tuanku si Abraham. Madung ditogu-togu Ia au antong lalu tu jolomunu, tuanku, lopus marsuo au dohot anak boru na giot di anaknia i.

BILANGAN 9:22

Bope na hum dua ari, sabulan, sataon sanga lobi, salolot tinggal ombun i di ginjang ni Bandar Parmianan Ni Tuhan nada morot halahi.

2 SAMUEL 22:33

Debata do benteng na togu di au, na mambaen sonang dalananku.

1 RAJA-RAJA 8:36

sai tangihon ma i di banua ginjang. Sai sesa ma angka dosa ni bangsoMu Israel dohot raja ni halahi. Ajari ma halahi mambaen na tigor. Dung i ale Tuhan paro ma udan di luatMon, luat na dung nilehenMu tu bangsoMu gabe teanan ni halahi ro di salolot ni lolotna.”

MASMUR 25:12

Diajarkon Tuhan do tu halak na unduk roha, dalan na giot bolusonna.

MASMUR 143:8

Pasunggulkon ma tu au ganop manyogot holong ni rohaMu na manongtong i, angke tu Ho do au mararop roha. Hupasahat do tu Ho tangiangku patuduhon ma tu au dalan sibolusonku.

JESAYA 48:17

Songon on ma pandokkon ni Tuhan, Partobusmu, Na Sun Badia, Debata ni Israel: “Au do Tuhan, Debatamu, na mangajari ho salaho tu na mangkorhon na denggan, na mangaramoti ho di dalan na angkon bolusonmu.