MASMUR 32:11 - BIBEL JAMITA NA DENGGAN

¹¹ Marjop ni roha ma hara ni Tuhan, o hamu halak na burju roha, marsurak ma hamu marmoga-moga, hamu sude na burju mangoloisa!

MASMUR 32:11 Referans Kwoze

MASMUR 64:10

Gabe marmoga-moga ma sude halak na burju hara ni sasude na nibaen ni Tuhan. Marpangondian tuSia ma halahi, pujion ni sude halak na tigor ma Ia.

PILIPPI 4:4

Marjop ni roha ma hamu tongtong di bagasan Tuhan i! Sanoli nari hudok: Marjop ni roha ma hamu!

MASMUR 97:12

Marjop ni roha ma hamu hara ni Tuhan, ale angka halak na bulus marroha, jana mandok tarimakasi ma hamu tu Debata na badia.

MASMUR 97:1

Tuhan do raja! Padiar ma marolop-olop tano on, padiar ma marlas ni roha angka pulo.

MASMUR 5:11

Marjop ni roha ma sanga ise na marlinggom tu Ho, mardongan jop ni roha marende-ende sai na tarbaen halahi do! Diramoti Ho do halak na manghaholongi Ho, sai marjop ni roha halahi hara ni Ho.

MASMUR 68:3

Hape anggo halak na daulat marmoga-moga, marolop-olop di jolo ni Debata.

MASMUR 33:1

Marsurak ma hamu di Tuhan, hamu angka na burju roha, patut do halak na daulat mamuji-muji Ia.

PANGARATAION 12:12

Sai marjop ni roha ma hamu di inganan i, di adopan ni Tuhan, rap dohot angka dakdanakmunu, angka naposomunu dohot angka halak Levi na maringanan di hutamunu, dibaen nada dapot bagian angka halak Levi di tanomunu i.

PILIPPI 3:3

Hape hita do angka na dung manjagit sunat na tutu, nada halahi. Hombar tu panogu-noguon ni Tondi Ni Debata sandiri do tasomba Debata, jana mandok tarimakasi do hita hara ni na dung mardomu i hita dohot Jesus Kristus. Nada marguru tu angka upacara na tarida hita.

PILIPPI 3:1

Tamba ni i ale dongan, marjop ni roha ma hamu di bagasan Tuhan i. Nada pola alang rohangku mandok mangulahi na dung hudok i di suratku dompak so i; angke na padenggankon do i tu haluaanmunu.

SURAT NI SI PAULUS TU PARLAGUTAN ROM 5:11

Tapi nada hum i sajo. Marmoga-moga muse ma hita di bagasan Debata, markite-hite Tuhanta Jesus Kristus, harana markite-hite Ia madung hita jagit saonnari pardamean i.

ZAKARIA 4:7

Ise do ho, ale dolok na godang? Angkon gabe tano napa ho anggo maradopkon si Zerubabel. Payakkononmu ma batu parsuhi mardongan surak-surak mandok, ‘Jeges! Jegesna i antong batu i!’ ”

MASMUR 125:4

Ale Tuhan baen ma na denggan tu halak na burju, tu halak parroha na bulus.

MASMUR 32:2

Martua ma sanga ise na so nietong ni Tuhan hajahatanna, jana na bulus rohana.

MASMUR 7:10

Debata do paronding-ondinganku, halak na denggan roha dijagohon Ia.

1 SAMUEL 2:1

Dung i martangiang ma si Hanna, ning ia ma, “Dipajop Tuhan do rohangku, pambaenanNia do na pasonang tondingku. Huincahi musungku; gabe martua ma au, angke tutu do na dung diurupi Debata au.

MASMUR 98:4

Marsurak-surak ma hamu di Tuhan, ale sandok tano on, marsurak ma hamu jana pajojor masmur marjop ni roha!