MASMUR 30:5 - BIBEL JAMITA NA DENGGAN

⁵ Angke hum santongkin sajo do muruk Tuhan, hadenggananNa do mardalan salolot iba di hangoluan. Saborngin sajo do au tangis, hape maroban hamogaan ma mataniari bincar.

MASMUR 30:5 Referans Kwoze

2 KORINTUS 4:17

Jana anggo hasusaan na so sadia on na hami taon santongkin, lehenon ni i do di hami hasangapan na so tarsuhat jana na manongtong. Dao dope gumodang hasangapan i sugari nipartimbangkon tu hasusaan i sandiri.

MATEUS 5:4

Martua ma halak na marsak roha; angke na giot apoan do roha ni halahi.

JESAYA 26:20

Masuk ma hamu tu bagasmunu i ale bangsongKu, lalu tutupkon ma pintuna i. Martabuni ma hamu sangombas lopus mombun rimas ni Tuhan.

MASMUR 103:9

Santongkin sajo do hamumuruk ni Tuhan, nada sapanjangna rimas ni rohaNia.

MASMUR 16:11

Dipatidahon Ho do tu au dalan hangoluan; rap dohot Ho mambaen au gok hamogaan dipapuas Ho rohangku salolot ni lolotna.

MASMUR 63:3

Ummarga do holong ni rohaMu na manongtong i ulang hangoluan, i ma dalanna umbaen hupuji Ho.

MASMUR 59:16

Tapi anggo au huendehon do hagogoanMu; ganop manyogot huendehon do holong ni rohaMu na manongtong i. Angke Ho do inganan pangungsianku, inganan parondingan di au di hamamasa ni susa.

MASMUR 46:5

Disi do mian Debata, jana indangkan na ra sego kota i, dilehen Ia do pangurupion di habibincar ni mataniari.

MASMUR 143:8

Pasunggulkon ma tu au ganop manyogot holong ni rohaMu na manongtong i, angke tu Ho do au mararop roha. Hupasahat do tu Ho tangiangku patuduhon ma tu au dalan sibolusonku.

MASMUR 103:17

Tapi laing holong do roha ni Tuhan mida na sai porsaya, marsundut-sundut do mardalan hadenggananNa,

HALUMBAAN 22:17

Didok Tondi i dohot Boru Oroan i ma, “Beta ma!” Jana ganop halak na umbege on angkon laing dohot ma mandok, “Beta ma!” Sanga ise na manguas, ro ma ia! Jana sanga ise na marpor ni roha, dibuat ma aek na mangalehen hangoluan i so pola mangalehen bagi aha panggararna!

HOSEA 6:3

Hara ni i, tahaburjuhon ma laho mananda Tuhan. Pasti do ro Ia tu hita songon parbincar ni mataniari jana songon udan na mangaehi tano di ujung ni ari nonat.”

PAMUNGKAAN 32:24

Tapi anggo ia sandiri laing di parbandaran i dope sasada ia. Jadi ro ma sada bayo marsiranggut dohot si Jakob lopus marayak torang ari.

HALUMBAAN 22:1

Dipatidahon surusuruan i muse dope tu au batang aek na lan sajo songon kristal jana mangalehen ngolu do aekna i. Sian habangsa ni Debata do mardalan batang aek i dohot sian Anak Ni Biri-biri i,

HARURUAR 3:15

Baritahon ma tu bangso Israel, paboa Au do Tuhan Debata ni ompu ni halahi, Debata ni si Abraham, si Ishak dohot si Jakob na marsuru ho manopot halahi. I do goarKu ro di salolot ni lolotna. On ma panggoaringKu di sude bangso marsundut-sundut.

MASMUR 47:7

Raja do Debata di sandok portibi, mardongan angka ende ma Ia tapuji!

MASMUR 97:12

Marjop ni roha ma hamu hara ni Tuhan, ale angka halak na bulus marroha, jana mandok tarimakasi ma hamu tu Debata na badia.

MASMUR 145:10

O Tuhan, pujian ni sandok na nitompaMu ma Ho, mandok tarimakasi ma sude bangsoMu tu Ho.

JESAYA 12:1

Dapot do hatihana marende angka jolma: “O Tuhan, mandok tarimakasi do au tu adopanMu, hara ni na niadopanMu au. Najolo muruk do Ho tu au, hape saonnari madung mombun rohaMu.