MASMUR 30:4 - BIBEL JAMITA NA DENGGAN

⁴ Endehon ma puji-pujian di Tuhan, o hamu bangsoNia na nihaholonganNia! jana haulkon ma hatarimakasion tu goarNa Na Badia!

MASMUR 30:4 Referans Kwoze

MASMUR 97:12

Marjop ni roha ma hamu hara ni Tuhan, ale angka halak na bulus marroha, jana mandok tarimakasi ma hamu tu Debata na badia.

HALUMBAAN 4:8

Mahluk na opat i, onom be habongna jana sap sudena dohot mata. Nada mantak mahluk na opat i marende arian na borngin, “Na badia, na badia, na badia do Tuhan Debata Parkuaso Na Sumurung i; na adong, na dung adong, jana na giot ro!”

MASMUR 148:14

Madung dipargogoi Ia bangsoNia, halak Israel, hasianNia. Sude ma bangsoNia mamuji-muji Ia. Puji ma Tuhan!

MASMUR 132:9

Sai marjop ni roha ma nian bangsoMu jana angka malimMu pe sai mangolu ma mangihutkon giot ni rohaMu.

1 JUJUR TAON 16:4

Diangkat si Daud ma piga-piga halak sian halak Levi laho mamimpin ibadat maradopkon Tuhan, Debata ni Israel di jolo ni Poti Parjanjian i, mardongan ende dohot puji-pujian.

JESAYA 6:3

Marsipioan ma halahi: “Na badia, na badia, na badia ma da Tuhan Na Markuaso i. Digohi hamuliaonNia do portibi on.”

MASMUR 50:5

Diparentahon Ia do tu halahi laho palagutkon bangsoNia di joloNia; bangso na dung mangikat janji dohot Ia, jana na manghaulkon haul situtungon tuSia.

MASMUR 32:11

Marjop ni roha ma hara ni Tuhan, o hamu halak na burju roha, marsurak ma hamu marmoga-moga, hamu sude na burju mangoloisa!

HARURUAR 15:11

Tuhan, ise ma sian angka debata sileban na tudos dohot Ho? Di sangap dohot di habadiaan, ise manyalpui Ho? Ise tarbaen patupa angka hahomangan dohot angka karejo na godang songon na binaenMu?

1 SAMUEL 2:6

Tuhan do mamatehon Ia muse do na pangoluhon. Na paijurkon jolma tu tanoman jana mangangkatsa sian i.

MASMUR 28:1

Sai pio-pio tu Ho do au ale Tuhan pangondianku, sai tangihon ma pangidoanku! Muda sai hohom Ho sai songon halak na manuat tu tanoman do au.

MASMUR 86:13

Hara ni godangna holong ni rohaMu na manongtong i di au, madung dipalua Ho au sian liang ni kuburan.

MASMUR 107:20

Dipamalum Ia halahi i dohot parentaNia, jana dipalua Ia halahi i sian kuburan.