MASMUR 30:2 - BIBEL JAMITA NA DENGGAN

² Tu Ho do au pio-pio, ale Tuhan Debatangku, jadi gabe dipamalum Ho au.

MASMUR 30:2 Referans Kwoze

2 RAJA-RAJA 20:5

mangulahi mandapotkon si Hiskia raja ni bangso ni Tuhan jana dipalalu ia ma tona on, “Au do Tuhan na nisomba ni ompumu si Daud, madung Hubege tangiangmi jana Huida do ilu ni matami. Hupamalum pe ho; ancogot haduan kehe ma ho tu Bagas Ni Debata.

MASMUR 6:2

Ibo ma rohaMu mida au, angke abis ma gogongku da Tuhan, pargogoi ma au, angke madung gale-gale au.

MASMUR 147:3

Dipamalum Ia halak na marnyae roha, jana dibalut Ia angka bugangna.

HARURUAR 15:26

Ninna Tuhan ma, “Angkon oloanmunu do Au sian sude rohamunu, marhite na patupahon sanga aha na denggan di Au bope patulus sude na Huparentahon. Muda dikarejohon hamu do i, nada uhumanKu hamu marhite angka nyae songon na dung Hubaen tu halak Mesir i. Au do Tuhan na pamalum hamu.”

MASMUR 88:13

Tolong ale Tuhan, tu Ho do au pio-pio, ganop manyogot sai martangiang au tu Ho.

PAMUNGKAAN 20:17

Gabe so maruntungan sude dadaboru na di bagas godang ni si Abimelek i dibaen Debata hara ni na masa tu si Sara, ripe ni si Abraham i. Jadi ditangiangkon si Abraham ma si Abimelek tu Debata, jana dipamalum Debata ma si Abimelek, dongan saripe dohot angka hatobanna dadaboru, gabe mulak ma margogo halahi laho mardakdanak.

MASMUR 51:8

Paloas ma au umbege barita jop ni roha, anso marsurak mangulahi roha na nigopuMon.

MASMUR 118:18

Borat do da tu au uhuman ni Tuhan, tapi nada jabat dipasahat Ia au tu hamatean.

MASMUR 35:24

Ampini ma au, angke tigor do Ho ale Tuhan Debatangku, ulang padiar musungku marsurahi tu au.

MASMUR 41:12

Diurupi Ho do au hara ni bulus ni rohangku, jana dibaen Ho au mangolu rap dohot Ho sapanjangna.

MASMUR 145:1

Sai giot pagodangonku do Ho, ale Debatangku jana Rajangku, tongtong do au sai giot mandok tarimakasi tu adopanMu.