MASMUR 3:8 - BIBEL JAMITA NA DENGGAN

⁸ Sian Ho do ro pangurupion, ibo ma rohaMu, ra ma jolo Ho mamasumasu bangsoMon.

MASMUR 3:8 Referans Kwoze

JESAYA 43:11

Au sandiri ma da Tuhan, asing sian Au nada adong na gabe haluaan.

JUNUS 2:9

Tapi anggo au endehononku ma puji-pujian di Ho jana huhaulkon haul tu Ho. Patulusonku do sude na hujanjihon. Ho do ale Tuhan na paluahon.”

HOSEA 13:4

Didok Tuhan ma, “Au do Tuhan Debatamu, mamungka sian tano Mesir. Nada adong Tuhan Debatamunu asing sian Au. Jana nada adong sipalua asing sian Au.

HALUMBAAN 7:10

Marsora na gogo ma halahi pio-pio, “Haluaan ma di Debatanami na juguk di habangsa i, dohot di Anak Ni Biri-biri i!”

EPESUS 1:3

Pinuji ma Debata, Ama ni Tuhanta Jesus Kristus! Dipasupasu Ia do hita dohot sude ragam-ragam ni pasupasu partondion sian banua ginjang, hara ni na dung mardomu i hita dohot Kristus.

BAENON NI ANGKA RASUL 4:12

Hum markite-hite Jesus sajo do jolma dipalua. Harana sian sude jolma na satano on, nada adong sahalak pe na dung manjagit kuaso sian Debata laho paluahon hita.”

PODA 21:31

Haru pe dipasingkop kudo porang tu parporangan, laing Tuhan do na manontuhon hamonangan.

BAENON NI ANGKA RASUL 3:26

I do umbaen na nipili ni Debata NaposoNia, jana hamu do na parjolo didapotkon Ia anso dipasupasu Ia hamu, dohot paubahon rohamunu sudena sian ngolumunu na jahat i.”

MASMUR 72:17

Sai taringot ma di roha sapanjangna goarnia, manahan ma habonggalonna salolot adong mataniari. Sai dihalungunkon angka jolma ma nian dipasupasu songon ia, dohot sude bangso mandok ‘na martua ma da ia’.

JEREMIA 3:23

Nada adong gunana marsomba gana-ganaan hami di puncu ni angka dolok! Hum sian Tuhan Debatanami do pangurupion anggo tu Israel.

HALUMBAAN 19:1

Dung i hubege ma sora na gogo sian halak na ribur, na marsurahi sian banua ginjang, mandok, “Haleluya! Haluaan dohot hasangapan dohot hagogoan ma di Debatanta.

MASMUR 29:11

Sai dipargogoi Tuhan ma bangsoNia, jana mangalehen hasonangan di halahi.

1 PETRUS 3:9

Ulang ma baloskon hamu hajahatan alo ni hajahatan, sanga hata na panyaor-nyaorkon; tapi pasupasu ma pangidohon hamu balos ni i sian Debata tu halahi. Angke anso manjagit pasupasu do hamu umbaen na nipiohon ni Debata hamu.

IBRANI 6:14

Didok Ia, “Sasintongna, pasupasuonKu ma ho jana baenonKu ma bahat pomparanmu.”

BILANGAN 10:35

Ganop laho mamorsan Poti Parjanjian i, didok si Musa do, “Jongjong ma Ho ale Tuhan, sarsarkon ma sude musuMu, anso sude halak na mangkagigihon Ho maporus.”

2 SAMUEL 23:12

Hape anggo si Sama torus do ia mangalo, dimatehon jana ditaluhon ia halak Pilistin i, gabe laing dipartahankon ia ladang i. Songon i ma dibaen Tuhan mangalehen hamonangan na godang i.

MASMUR 9:20

Padiar ma di bagasan biar halahi, O Tuhan, anso ditanda dirina bahaso na hum jolma sajo do halahi.

MASMUR 31:16

Sai marsinondang ma bohiMu tu naposoMu, palua ma au hara ni holong ni rohaMu.

MASMUR 58:7

Padiar ma mago halahi songon aek na maruas, songon ruput na malos na nidegean di dalan.

MASMUR 119:94

Palua ma au, dibaen Ho do nampuna au, madung husitutui mangoloi haputusanMu.