MASMUR 28:1 - BIBEL JAMITA NA DENGGAN

¹ Sai pio-pio tu Ho do au ale Tuhan pangondianku, sai tangihon ma pangidoanku! Muda sai hohom Ho sai songon halak na manuat tu tanoman do au.

MASMUR 28:1 Referans Kwoze

MASMUR 143:7

Alusi ma au saonnari, ale Tuhan, dibaen madung magotap arop ni roha. Ulang martabuni be tu au anso ulang songon halak na manuat tu hamatean au.

MASMUR 18:2

Tuhan do parondinganku, benteng na togu di au. Tu Debata do au marsilaung, gabe sonang au marlindung. Songon parince digupgupi Ia au, dijago Ia au tongtong anso sai sonang au.

PODA 1:12

Saonnari sonang jana sehat do halahi, tapi annon gabe songon na mate.

MASMUR 83:1

Ale Debata, ulang ma mangkohom Ho, ulang marlompit tangan Ho jana sai so.

HALUMBAAN 20:3

Dung i diambungkon surusuruan i ma naga i tu rura hamatean, dikunci ia ma rura i jana dicap ia anso ulang tarbaen naga i be paoto-otohon angka bangso salolot so abis na saribu taon i. Dung salpu i, paluaon dope ia santongkin.

JESAYA 26:4

Sai haporsayai ma tongtong Tuhan, harana Tuhan Debata do dolok batu na manongtong.

JOB 33:28

Disundati Debata do au kehe tu hamatean i, gabe mangolu do au lopus tu saonnari.’

JESAYA 38:18

Angke nada adong na mandok tarimakasi sian inganan ni na mate tu Ho, hamatean nada bisa mamuji Ho; angka jolma na giot tu kuburan inda dipainte be hasetiaonMu.

MASMUR 35:22

Tapi diboto Ho do sudena i, ale Tuhan, ulang be Ho sai mandao-dao jana sai hohom.

MASMUR 30:9

Aha ma he gunana di Ho muda mate au, aha ma untungna muda dikuburkon au? Tarbaen na mate ma he mamuji Ho dohot pajojorkon denggan ni haburjuonMu?

MASMUR 22:2

Ale Debatangku, hatiha arian au pio-pio, tapi laing tongtong do hohom Ho. Hatiha borngin martangiang au, laing nada sonang rohangku.

MASMUR 3:4

Pio-pio au tu Ho ale Tuhan, sian dolokMu na badia dialusi Ho au.

MASMUR 77:1

Gogo do sorangku pio-pio tu Debata, hupagogo sorangku pio-pio, jana ditangihon Ia do au.

MASMUR 69:15

Ulang padiar au diayup galumbang ni pasang, mogap di tandolan ni laut sanga dipabuni di bagasan liang.

MASMUR 5:2

Pio-pio do au tu Ho urupi ma au, o Rajangku jana Debatangku.

MASMUR 142:1

Pio-pio do au tu Tuhan, tuSia do au mangido partolongan.

MASMUR 39:12

Tangihon ma ale Tuhan, tangiang pangidoanku; parrohahon ma ilu-ilungku, ulang ma hohom Ho tu au. Laing songon angka daompung na umpompar au, hum sangombas sajo do manompang tu Ho au.

MASMUR 42:9

Hudok ma tu Debata, na mangondihon au, “Biasi dihalupahon Ho au? Biasi angkon laing manaon parkancitan au, hara ni panyosak ni angka musungku?”

MASMUR 30:4

Endehon ma puji-pujian di Tuhan, o hamu bangsoNia na nihaholonganNia! jana haulkon ma hatarimakasion tu goarNa Na Badia!

MASMUR 142:2

Humolos ma au tu joloNia hupatorang sude angka hasusaanku tuSia.