MASMUR 26:3 - BIBEL JAMITA NA DENGGAN

³ HolongMi do tongtong manogu au, sai Ho do tongtong na gabe oloanku.

MASMUR 26:3 Referans Kwoze

1 JOHANNES 1:7

Tapi muda mangolu di na torang hita laing songon Debata na maringanan di na torang i, gabe mangolu ma hita di bagasan pardomuan na solkot na sada tu na asing, jana hara ni mudar ni Jesus AnakNa i gabe ias ma hita sian sasude dosanta.

2 RAJA-RAJA 20:3

“Tuhan, ingot ma na dung huoloi Ho sian burju dohot situtu ni rohangku. Sai hugogo do anso hupatulus hagiotMu.” Lalu mangangguk ma si Hiskia.

2 JOHANNES 1:4

Jop sajo do rohangku dung huboto, na adong do hape angka dakdanaknami na mangolu mangihutkon jamita na sintong i na sian Debata songon na dung diparentahon ni Ama i tu hita.

EPESUS 4:32

Tapi gumonan ma burju jana lambok hamu sama hamu, bope na marsisesaan sala songon panyesa ni Debata di dosamunu markite-hite Kristus.

2 KORINTUS 8:9

Angke tangkas do diboto hamu, holong situtu do roha ni Jesus Kristus Tuhanta i maradopkon hita. Na mora do Ia nian, tapi gabe marpogos do Ia hara ni hamu, anso mamora hamu hara ni hapogosonNia i.

2 KORINTUS 3:18

Saonnari nada nigupgupan be bohinta. Songon sormin na nisondangan dohot hatiuran ni Tuhan Jesus do hita. Jadi hara ni i, torus do hita dipauba anso gabe songon Ia, mur honok, mur marsinondang do hita hara ni hatiuran na sian Tondi Ni Tuhanta i.

JOHANNES 14:6

Ninna Jesus ma mangalusi, “Au do dalan i dohot hasintongan dohot hangoluan. Nada adong na tarbaen ro tu Ama i anggo so markite-hite Au.

LUKAS 6:36

Gabe parasi roha ma hamu, laing songon Amangmunu na marasi roha i!”

JESAYA 8:20

Songon on ma dok alusna, “Tangihon ma ajaran ni Tuhan! Ulang patangi-tangi datu. Nada adong guna ni na nidok ni halahi di ho.”

JESAYA 2:5

O ale hamu pomparan ni si Jakob, beta ma hita mardalan di bagasan sondang ni Tuhan!

MASMUR 119:142

Hot do martahan hatigoranMu salolot-lolotna, jana sai na bonar do TonaMu sapanjangna.

MASMUR 101:2

Giot mangolu au nian so targora andigan pe Ho ro tu iba? Giot badia do ngolungku di bagasku,

MASMUR 86:11

Ajarkon ma tu au hagiotMu ale Tuhan, anso huihutkon i marhaburjuan. Ajari ma au marpangoloion tu Ho sian sandok rohangku.

MASMUR 52:1

O jolma na gogo, biasi hagodangkononmu hajahatan na nibaenmu tu halak na nihaholongan ni Debata?

MASMUR 25:5

Ajari au mangolu hombar tu hagiot ni rohaMu, angke Ho do antong Debatangku; Ho do na palua au, sai tu Ho do mararop ni roha au.

3 JOHANNES 1:11

Dongan na nihaholongan! Ulang ma tiru hamu na jat i. Na denggan i ma tiru hamu. Sanga ise na mambaen na denggan, sian Debata do ro ni i. Jana halak na mambaen na jat, na so padumpang dope i dohot Debata.