MASMUR 25:2 - BIBEL JAMITA NA DENGGAN

² o Tuhan, Ho do haposan ni rohangku! Ulang padiar dipaila au, jana disurahi angka musungku.

MASMUR 25:2 Referans Kwoze

SURAT NI SI PAULUS TU PARLAGUTAN ROM 10:11

Di Buku Na Badia i tarsurat do, “Sanga ise na porsaya tuSia nada pailaon.”

MASMUR 41:11

Muda nada tartaluhon halahi au, botoonku ma bahaso na jop rohaMu mida au.

MASMUR 71:1

Marsiholip tu Ho do au, ale Tuhan, ulang padiar au dipaila.

SURAT NI SI PAULUS TU PARLAGUTAN ROM 5:5

Nada pailaon be hita hara ni arop ni roha na songon on, harana madung digohi Debata rohanta i dohot holong ni rohaNia. Markite-hite Tondi Parbadia do dibaen Debata songon i, i ma Tondi na nilehenNia tu hita.

MASMUR 22:5

Pio-pio halahi tu Ho jana dipalua; mararop roha halahi jana nada hirim rohana.

MASMUR 142:6

Tangihon ma angguk-anggukku mangido partolongan, dibaen bonom do au di bagasan pandelean. Palua ma au sian angka musungku angke gumogo do halahi ulang au.

MASMUR 31:1

Ale Tuhan marpangondian tu Ho do au, ulang loas dipaila jana lus au, hara ni hatigoranMu, sombangku, palua ma au.

JESAYA 37:35

Hubela jana Huondingi do kota Jerusalem, hara ni hasangapanKu sandiri dohot hara ni parjanjianKu dohot naposongKu si Daud.’ ”

MASMUR 34:8

Ligi jana dai sandiri ma hadengganan ni Tuhan, martua ma sanga ise na maronding tuSia.

JESAYA 26:3

Dilehen Ia do dame dohot hasonangan tu halak na togu rohana, hara ni na porsaya ia tuSia.

MASMUR 94:3

Ale Tuhan, intap ni andigan parjahat i marjop ni roha, lopus sadihari halahi marmoga-moga?

1 PETRUS 2:6

Harana tarsurat do di Buku Na Badia i songon on, “Madung Hupili sada batu na arga, na Hupayakkon di Sion gabe batu parsuhi; jana sanga ise na porsaya tuSia nada pailaon.”

JESAYA 49:23

Gabe songon ama di ho angka raja, jana angka ratu songon ina. Marsomba ma halahi tu ho lopus dais bohina tu tano jana mandilat abu ni patmu. Hara ni i botoonmu ma bahaso Au do Tuhan, angka halak na mararop ni roha di Au nada dipaila.”

JESAYA 37:20

Ale Tuhan Debata, palua ma hami sian angka halak Asur i, anso diboto sandok bangso na di tano on bahaso sasada Ho do Tuhan.”

MASMUR 37:40

Diurupi Ia do halahi jana dipalua, paluahon halahi sian halak na jahat, angke marpangondian do halahi tuSia.

MASMUR 18:2

Tuhan do parondinganku, benteng na togu di au. Tu Debata do au marsilaung, gabe sonang au marlindung. Songon parince digupgupi Ia au, dijago Ia au tongtong anso sai sonang au.

MASMUR 7:1

O Tuhan Debatangku Ho do onding-ondingku. Palua ma hosangku sian halak na mangayak au.

MASMUR 22:8

Ninna halahi, “Dipangasahon ho do Tuhan; biasi nada ro Ia paluahon? Anggo jop do roha ni Tuhan mida ho, biasi nada ditolong Ia ho?”

MASMUR 22:1

Debatangku, Debatangku, biasi ditinggalkon Ho au? Pio-pio au, hape tongtong Ho dao, pangurupiMu nada jungada ro.

JESAYA 41:16

Piaranmu ma halahi, lalu kehe habang diombus alogo i; baenon ni bade pe abis ma marserak halahi, hape ho sandiri marsurahi di bagasan Tuhan. Marjop ni roha ma ho, patunda ni Au Debata, di Au, Na Badia ni Israel ho marmoga-moga.

JESAYA 37:10

raja ni Juda. Songon on ma hata ni surat i, “Ulang ho tarpaoto hata ni janji ni Debatamu na nipangasahonmi na so madabu ho tu bagasan tanganku.

JESAYA 28:16

Hara ni i songon on ma didok Tuhan Debata, “BaenonKu ma ojahan na togu jana na tohong di Sion; di gincat ni batu parsuhi na arga i suratkononKu ma: ‘Haporsayaan na togu, padao ganggu ni roha.’

MASMUR 56:1

Ibo ma rohaMu di au ale Debata, angke disosak musu do au, sai torus do diporangi halahi au.

2 JUJUR TAON 13:18

Monang ma halak Juda dibaen mangasahon Tuhan Debata ni ompuna do halahi.

MASMUR 13:5

Tapi anggo au mararop ni roha do tu ibo ni rohaMu, marmoga-moga ma rohangku, angke Ho palua au.

MASMUR 31:2

Tangihon ma tangiangku. Palua ma au manigor. Ho noma da dolok batu inganan parlinggomanku, dohot benteng na togu, inganan haluaan di au.

MASMUR 31:15

Ho do na sai tongtong pature-ture au; palua ma au sian musungku, dohot sian halak na manyosak au.

MASMUR 91:2

tola ma dokkononna tu Tuhan, “Ho noma pangondianku dohot parlindunganku. Debatangku, haposan ni rohangku.”

JEREMIA 17:18

Sai Ho ma pailahon dohot manggohi biar tu halak na manyompiti ngolungku. Tapi ulang baen tu au songon i ale Tuhan. Paro ma jaya hamagoan tu halahi lopus abis matimpas halahi.