MASMUR 25:16 - BIBEL JAMITA NA DENGGAN

¹⁶ Tatap ma au, jana ibo ma rohamu mida au, Tuhan, angke gale do au jana punjung so mardongan.

MASMUR 25:16 Referans Kwoze

MASMUR 86:16

Parrohahon jana hasiani ma au, lehen ma hagogoonMu tu naposoMon, jana palua ma dakdanak halaklahi ni naposoMu dadaboru.

MIKA 7:19

Maribo ni roha ma Ho mangulahi tu hami jana ampuni ma hami. TaluhononMu do angka dosanami jana ambungkononMu tu tandolan ni laut!

DANIEL 9:17

Ale Debata, tangihon ma tangiang dohot pangidoankon. Pasuang ma bagasMu na dung sego i; padenggan ma i anso sude halak umboto Ho do Debata.

MASMUR 143:4

Madung talu semangat au, angke madung mandele situtu au.

MASMUR 60:1

Di bagasan hamumurukMu diponggol Ho do partahanannami, jana nada ra Ho ale Debata rap dohot hami. Tapi anggo saonnari, mulak ma Ho tu hami.

MASMUR 32:5

Jadi gabe huoku dosangku tu Ho, nada adong hubunihon hasalaanku tu Ho. Diputuskon rohangku do mangoku i tu Ho, gabe diampuni Ho sude dosangku tu Ho.

MASMUR 86:1

Tangihon ma tangiangku ale Tuhan, alusi ma au, dibaen pogos jana gale do au.

MASMUR 109:22

Angke na pogos do au boti na dangol, jana rohangku pe marsingotngot.

MASMUR 119:132

Manaili ma Ho tu au jana ibo ma rohaMu di au, songon panghasianiMu di halak na nihaholonganMu.