MASMUR 24:7 - BIBEL JAMITA NA DENGGAN

⁷ Patalak ma horbangan na robi, anso masuk Raja Na Marmulia i.

MASMUR 24:7 Referans Kwoze

JESAYA 26:2

Bukahon bo horbangan ni kotanta, suru ma masuk bangso na setia, bangso na tongtong tigor.

HALUMBAAN 4:11

“Ale Tuhan, jana Debatanami, na tama do Ho manjagit puji-pujian, hasangapan, dohot kuaso, angke ditompa Ho do sandok jana markite-hite rohaMu do adong sudena i jana nitompa.”

1 KORINTUS 2:8

Sahalak pe nada adong umboto sangkap na nibaen ni Debata i. Angke sugari na dung diboto halahi i, nada jabat parsilangkonon ni halahi Tuhan na sumangap i.

MASMUR 97:6

Dipajojor langit hatigoranNia, sandok bangso marnida hamuliaanNia.

MALEAKI 3:1

Dialusi Tuhan Na Markuaso i ma, “SuruonKu ma utusanKu laho paradehon dalan di Au. Jadi ompot ma ro Au, Tuhan na nijalahanmunu ro tu bagasan BagasKi. Ro ma i utusanKu na nihalungunkonmunu i jana pabotohononna ma parjanjianKi.”

HAGAI 2:7

HuturonKu ma sandok bangso. Jadi marroan ma angka arta hasudungan ni roha ni saluhut angka bangso, jana gokanKu ma Bagas on dohot hagodangan, ninna Tuhan Na Markuaso i.

1 RAJA-RAJA 8:11

na silo mardongan hagodangan ni haroro ni Tuhan gabe nada tarbaen malim i be masuk mangulahi mangkarejohon karejo ni halahi.

1 PETRUS 3:22

jana madung manaek Ia tu banua ginjang. Saonnari markuaso ma Ia rap dohot Debata jana mamarenta tu sude surusuruan, tu sude parkuaso dohot tu sude angka hagogoon di pangalaho partondion.

2 SAMUEL 6:17

Dioban ma Poti Parjanjian i masuk jana dipayakkon ma di ingananna di bagasan bandar na dung dipajongjong si Daud inganan ni Poti i. Dung i dihaulkon si Daud ma tu Tuhan haul na nitutung dohot haul haluaan.

2 PETRUS 3:18

Sai mur pangkilalahon hamu ma hadengganan ni roha ni Tuhan, Sipaluanta i, i ma Jesus Kristus, jana sai mur tangkas ma nian ditanda hamu Ia. Tarpuji ma Ia saonnari bope ro di salolot-lolotna. Amen.

MARKUS 16:19

Dung sidung Jesus mandok hata tu halahi, manaek ma Jesus tu banua ginjang. Juguk ma Ia disi, di siamun ni Debata.

HAGAI 2:9

Jumeges dope BagasKu na imbaru on, ulang pado na parjolo i, jana lehenonKu ma dison dame dohot hasonangon tu bangsongKu.” Madung didok Tuhan Na Markuaso i na songon i.

MASMUR 132:8

Ro ma Ho ale Tuhan jana maringanan ma di BagasMu, rap dohot Poti Parjanjian tanda ni kuasoMu.

JAKOBUS 2:1

Hamu angka dongan! Songon halak na porsaya tu Tuhan Jesus Kristus, Tuhan Na Sumangap i, ulang ma hara ni angka pangalaho na tarida baen hamu mangaligi bohi ni halak.

1 RAJA-RAJA 8:6

Dung songon i dioban angka malim ma Poti Parjanjian i tu bagasan Bagas Ni Debata jana dipayakkon halahi ma i di Bilik Na Sun Badia di toru ni gambaran ni angka kerub i.

MASMUR 21:1

O Tuhan, hara ni kuasoMu, marjop ni roha ma raja, marolop-olop ia, dibaen dilehen Ho hamonangan disia!

MASMUR 21:5

Hara ni pangurupiMu mambaen tangkas ia tarida, dibaen Ho goarnia marmulia jana tarbarita.

JESAYA 62:10

Ruar ma hamu sian horbangan, parade hamu ma dalan di halak na marmulahan. Baen ma dalan godang, paduru batuna, pajongjong ma mandera di angka bangso.

MIKA 4:8

Jana ho, ale Tugu Punguan ni Biribiri, ale Tor ni boru Sion, giot ro ma tu ho jana angkon mulak muse harajaanmu songon na jolo, harajaan ni boru Jerusalem.