MASMUR 22:6 - BIBEL JAMITA NA DENGGAN

⁶ Nada jolma au, tapi goya do, diincahi halak jana dipacia-cia do.

MASMUR 22:6 Referans Kwoze

JESAYA 53:3

Dipasiding halak ia jana dipalayas, halak na somal marhancit do ia jana na mardangol, na layas sajo do ia, lopus ditutup halak bohina maradopkon ia, jana di hita pe nada masuk etongan ia.

JOB 25:6

Mur ma jolma, goya do i, jana songon porkis! Anggo di jolo ni Debata, sisoada do i.”

JESAYA 49:7

Maradopkon halak na tarlobi dipalayas, jana na nihagigihon ni angka bangso, boti na gabe naposo ni angka parkuaso, didok Debata Sipalua ni Israel: “Idaon ni angka raja ma pambaenanKu; jongjong ma halahi mamparsangapi Au. Laing idaon ni angka parkuaso muse ma i, lalu marsinggang ma marsomba halahi.” Tarjadi ma sudena i hara ni Tuhan na setia, Debata Na Badia ni Israel madung manodo naposoNa.

JESAYA 41:14

“Ulang ho mabiar ale ulok-ulok ni Jakob, ale halak Israel! Au do pangurupi di ho, ninna Tuhan, jana na manobus ho, i ma Na Sun Badia, Debata ni Israel.

IBRANI 13:12

Hara ni i ma umbaen na di ruar ni horbangan ni kota Jesus mate laho paiaskon bangsoNa sian dosa markite-hite mudarNia i sandiri.

MATEUS 11:19

Madung ro Anak Ni Jolma i – na mangan dohot na minum, jadi didok halahi, ‘Ligi ma jolo Bayo i! Na songkalan, hum na minum, didongan-dongani Ia angka sijagit pajak dohot angka pardosa.’ Tapi haru pe songon i, na bisuk do Debata. Tarida do habisuhonNia i sian angka pambaenanNia.”

MASMUR 31:11

Bile do au dietong roha ni sude musungku, gabe siincahan ni angka hombar noma au. Tarsonggot be do angka sitandaan muda marsuo dohot iba, marlojongi halahi muda marsuo di dalan dohot iba.

HALUMBAAN 15:3

Jana diendehon halahi ma ende ni si Musa, naposo ni Debata i dohot ende ni Anak Ni Biri-biri i. Songon on ma ende ni halahi i, “Na godang jana hahomangan do angka pambaenanMu ale Tuhan, Debata Parkuaso Na Sumurung. Na tigor jana na sintong do sude dalanMu, ale Raja ni sude bangso.

JOHANNES 7:15

Homang sajo ma roha ni angka halak Jahudi i. Didok halahi ma, “Sian dia do parbinotoan ni Bayo on, hape nada jungada Ia sikola?”

ANDUNG 3:30

Haru pe dibalbal dohot hona hata, laing hita jagit ma da i sasudena.

JOHANNES 8:48

Dialusi halak Jahudi i ma, “Nada he tutu do muda hami dokkon halak Samaria do Ho, jana na nisonggopan ni setan?”

JOHANNES 7:20

Dialusi halak na bahat i ma, “Na marsibolis do Ho, ise he na giot mamunu Ho?”

MATEUS 12:24

Dung dibege halak Parise songon i, ninna halahi ma, “Nada dipaisir Ia angka setan ia so markite-hite si Beelsebul kapala ni setan i.”

MASMUR 88:8

Dipadao Ho angka sitandaanku sian au dibaen Ho au di halahi gabe sihagigian, dihobuk au nada tarbaen luncat.

MASMUR 31:1

Ale Tuhan marpangondian tu Ho do au, ulang loas dipaila jana lus au, hara ni hatigoranMu, sombangku, palua ma au.

2 JUJUR TAON 14:11

Jadi martangiang ma si Asa tu Tuhan Debatania, “Tuhan, hum Ho do na tarbaen mangurupi na gale maradopkon na gogo. Urupi ma hami saonnari, ale Tuhan Debatanami! Marpangunsandean tu Ho do hami jana mangasahon goarMu haruar ma hami marporang mangalo pasukan na santak bahat on. Tuhan, Ho do Debatanami. Ulang ma padiar diriMu ditaluhon sada jolma.”

MASMUR 25:3

Sai na pataluon do sanga ise halak na manjehei Ho, na pasti monang do halak na manghaposi Ho.

MASMUR 41:5

Dipardokkoni musungku do na jahat taringot tu au, giot ni halahi mate ma nian au jana dihalupahon.