MASMUR 22:21 - BIBEL JAMITA NA DENGGAN

²¹ Palua ma au jolma na so margogo on, sian tanduk ni lombu dohot baba ni singa.

MASMUR 22:21 Referans Kwoze

2 TIMOTEUS 4:17

Tapi madung didongani Tuhan au disi. Dipargogoi Ia do au, gabe margogo au manjamitahon Jamita i sudena anso laing dibege sudena angka halak na so Jahudi. Jana malua do au sian baba ni singa.

1 PETRUS 5:8

Angkon hobas do hamu jana jonggor! Angke Sibolis do musumunu. Songon singa do i na res pahae res pahulu na mangorong soroanna.

BILANGAN 23:22

Sian Mesir dioban Debata halahi haruar, marporang halahi songon lombu riar.

BAENON NI ANGKA RASUL 4:27

Tutu do songon i. Angke marlagut do si Herodes dohot si Pontius Pilatus rap dohot halak na so mananda Tuhan bope halak Israel di kota on. Marlagut do halahi laho mangalo Jesus NaposoMu Na Badia i, na NimiahanMi,

JOHANNES 14:30

Nada pola bahat be Au mandok hata tu hamu angke madung ro raja ni portibi on. Tapi nada markuaso i tu Au.

JOHANNES 8:59

Dung i dibuat angka halak Jahudi i ma batu giot mandanggur Jesus; tapi martabuni ma Jesus, lalu kehe Ia morot sian Bagas Ni Debata i.

JESAYA 34:7

Marmatean ma angka jolma songon lombu riar dohot lombu jara-jara. Marrara ma tano hara ni mudar jana ditutupi tabo-tabo.

PANGARATAION 33:17

Gogo ni si Josep songon lombu harangan marribu pinompar ni si Manase, marpulu ribu pinompar ni si Efraim i ma tanduknia. Didogo ia angka bangso dionjar ia halahi lopus tu ujung ni tano.”

LUKAS 22:53

Ganop ari do Au rap dohot hamu di Bagas Ni Debata, hape so ditangkup hamu Au. Tapi on ma lakna hatihana di hamu mambaen sibaenonmunu, jana hatihana ma kuaso hagolapan i mambaen hatontuan.”

MASMUR 35:17

Sadia honok nari ale Tuhan, sadia honok nari Ho hum na manatap manaili? Palua ma da au sian pangaroro ni halahi palua ma hosangku sian angka singa i.