MASMUR 22:15 - BIBEL JAMITA NA DENGGAN

¹⁵ Aru-arungku mahiang songon ngarngar, dilaniba lohot di langit-langit ni pamangan. Anggo au madung ditinggalkon Tuhan, songon halak na mate di kuburan.

MASMUR 22:15 Referans Kwoze

JOHANNES 19:28

Dung i diboto Jesus ma na dung sidung sasudena; jadi songon na tarsurat di Buku Na Badia i angkon laing tulus do i, gabe didok Ia ma, “Manguas Au.”

MASMUR 69:3

Pio-pio do au marsurak lopus loja jana mahiang tolonanku. Maniak huhilala matangku mararop roha di Debatangku.

JESAYA 53:12

Hara ni i lehenonKu ma tusia angka na sangap songon rampasan dohot angka na togos songon tabanan, i ma gonti ni na dung dilehen ia hosana tu hamatean dohot hara ni na dietong ia parjahat, haru pe ia do mananggung dosa ni halak na bahat, jana martangiang tu parjahat i.

MASMUR 69:21

Di hatiha male au, rasun do dilehen di au, di na manguas au, cuka do dilehen di au.

MASMUR 38:10

Mangabis gogongku, taroktokku gumadobur, matangku pe mahomur.

1 KORINTUS 15:3

Harana madung hupasahat tu hamu na umporlu, i ma sian na dung hujagit, na dung mate do Kristus hara ni angka dosanta mangihutkon na tarsurat di Buku Na Badia i.

MASMUR 104:29

Muda manaili Ho tu pudi, mabiar be ma halahi; muda dibuat Ho hosana i, mago noma halahi mulak muse ma halahi, gabe orbuk songon di mulana i.

MATEUS 27:50

Dung i mangulahi ma pio-pio Jesus. Dung i tos ma hosaNia.

PODA 17:22

Muda jop roha, sehat do pamatang. Muda gondok roha, marhancit ma badan.

JOB 29:10

dohot halak na gabar pe nada mandok hata.

DANIEL 12:2

Bahat do sian halahi na dung mate mulak mangolu muse; deba ma i tu hangoluan na manongtong, jana deba nari tu habilean na manongtong muse.

ANDUNG 4:4

Nada dipasusu be dakdanak na menek, gabe mate nguasan ma. Mangido mangan angka dakdanak, tapi nada adong mangalehensa.

MASMUR 30:9

Aha ma he gunana di Ho muda mate au, aha ma untungna muda dikuburkon au? Tarbaen na mate ma he mamuji Ho dohot pajojorkon denggan ni haburjuonMu?

JOB 34:15

tontu gabe mate ma sude mahluk na marhosa, jana gabe orbuk songon di mulana.

JOB 10:9

Ingot ma na sian tano liat do dijadihon Ho iba! Biasi angkon mulak gabe abu baenonMu iba?

PAMUNGKAAN 18:27

Dialusi si Abraham ma, “Mangido ampun ma au dibaen mabarani tu do au mangkatai dohot Tuhan haru pe hum jolma sajo iba na so tola nian mandok bagi aha.

PAMUNGKAAN 3:19

Maradu loja noma ho markarejo jana hodohan laho pauli tano i anso marhasil, lopus mulak ho gabe tano angke na sian i do ho dijadihon, jana mangulahi muse ma ho gabe tano.”

JOB 7:21

Na so tarampuni Ho be he dosangku? Na so tarbaen sesaonMu be lakna salangku? Santongkin nari mambustang noma da au di kuburan, jana muda dijalahi Ho au, nada adong be sidumpangan.”

2 SAMUEL 14:14

Na muli mate do hita on sude; tarsongon aek na sabur tu tano do hita jana nada tarpalagut be. Debata pe nada pangoluonNia be mangulahi anggo halak na dung mate. Jadi siusahahonon ni raja i do antong anso tarbaen halak na tarbuang mulak mangulahi.

JOB 19:20

Maradu martanggurniang noma pamatang; na giot mate ne noma da iba, hosa i maradu habang.

JOB 30:16

Saonnari mate ne noma da iba; so adong be na panayang pardangolanniba.