MASMUR 22:13 - BIBEL JAMITA NA DENGGAN

¹³ Rap ngangang be pamangan ni halahi mangadopi au, songon singa na marngaur giot manangkup sipolgahonna.

MASMUR 22:13 Referans Kwoze

1 PETRUS 5:8

Angkon hobas do hamu jana jonggor! Angke Sibolis do musumunu. Songon singa do i na res pahae res pahulu na mangorong soroanna.

MASMUR 35:21

Dipasala halahi do au jana pio-pio paboa na dung tardapot di halahi pangalahongku.

ANDUNG 3:46

Dilayasi jana dipartatai sude musunami do hami;

ANDUNG 2:16

Margoyak ni roha sude musumu mangida bohimi, dipartatai halahi do ho jana disurahi. Didok halahi, “Ma pola hami luntak kota i! Ujungna dapot ma hatiha na hami painte i!”

MASMUR 17:12

Songon singa na mangonjap soroanna, madung singkop halahi mangaroro au anso sibakkononna.

JOB 16:10

Maradu ngangang pamangan ni halak mangincahi au; marrongom mambalbal au jana ditampeleng dohot hurumku.

MASMUR 35:17

Sadia honok nari ale Tuhan, sadia honok nari Ho hum na manatap manaili? Palua ma da au sian pangaroro ni halahi palua ma hosangku sian angka singa i.

MASMUR 22:21

Palua ma au jolma na so margogo on, sian tanduk ni lombu dohot baba ni singa.

MASMUR 22:7

Sude na marnida au mangincahi jana mangalayasi, mamursikkon dohot mangupir-upirkon ulu halahi.

MASMUR 7:2

Ulang ma padiar songon singa halahi manyoro au; pola disuak-suak au, lalu disarat, dipadiar so adong na mangurupi.