MASMUR 22:1 - BIBEL JAMITA NA DENGGAN

¹ Debatangku, Debatangku, biasi ditinggalkon Ho au? Pio-pio au, hape tongtong Ho dao, pangurupiMu nada jungada ro.

MASMUR 22:1 Referans Kwoze

MARKUS 15:34

Di pukul tolu andospotang i mangangguk ma Jesus marsora na gogo, “Eloi, Eloi, lama sabakhtani?” astuanna, “O DebatangKu, DebatangKu biasi ditinggalkon Ho Au?”

MATEUS 27:46

Dung pukul tolu andospotang, gogo ma sora ni Jesus ning Ia ma, “Eli, Eli, lama sabakhtani?” astuanna, “O, DebatangKu, DebatangKu, biasi ditinggalkon Ho Au?”

IBRANI 5:7

Hatiha di ngolu ni Jesus di tano on, mangangguk godang do Ia tangis martangiang dohot pasahatkon angka pangidoanNia tu Debata, na margogo paluahon Ia sian hamatean. Boti hara ni na mangoloi Ia tu Debata mardongan sangap na gok, gabe ditangihon Debata do pangidoanNia i.

MASMUR 22:16

Dihobuk punguan ni halak na jahat do au, tudos tu anjing na marudur halahi mangarongomi au, manyuak-nyuak tangan dohot patku.

JOB 3:24

Holsoan au gonti ni na mangan, mardabu holso au so maradian.

LUKAS 24:44

Dung i mandok hata ma Ia tu halahi ning Ia ma, “Angka on ma na Hupaboa hian di hamu, dompak rap dope Au dohot hamu, angkon tarjadi do sudena sanga aha na tarsurat taringot tu Au di angka Buku Ni si Musa dohot buku ni angka panurirang dohot Masmur i.”

MASMUR 10:1

Biasi songon i daoMu o Tuhan, jana martabuni Ho taran hami di hasusaan?

IBRANI 13:5

Ulang dirajai hepeng ngolumunu, tapi hasonangkon hamu ma intap ni na adong di hamu. Angke madung didok Debata, “Nada padiaronKu ho jana nada tadingkononKu ho.”

1 SAMUEL 12:22

Madung disumpahon Tuhan bahaso na so tadingkononNia hamu angke madung diputuskon Ia do laho mambaen hamu gabe bangsoNia sandiri.

MASMUR 22:11

Madung mardonok parmaraan, ulang be Ho sai mandao ale Tuhan, angke asing sian Ho, nada adong partolongan.

MASMUR 71:11

Didok halahi, “Madung ditadingkon Debata ia; beta ma takojar jana tatangkup ia, angke nada adong be na paluahonsa.”

JESAYA 46:13

Madung donok Hubaen hasintongan i, nada dao be i, nada tarambatan be haluaanKu, paluaonKu ma halak di Sion, jana pataridaon hamuliaonKu tu halak Israel.”

MASMUR 38:8

Magopu noma au jana abis gogongku, masego rohangku, mariale hara ni hancitna.

MASMUR 37:28

Dibaen holong do roha ni Tuhan mida hatigoran; nada padiaronNa bangsoNa i marhancit. Sai hot do disarihon Ia halak na nihaholonganNia, hape anggo pomparan ni parjahat paorotonNia.

MASMUR 16:1

Jagohon ma au, ale Debata, tu Ho do au maronding-onding.

LUKAS 22:44

Mabiar situtu do Jesus, gabe mur marsitutu ma Ia na martangiang i. Songon mudar noma hodokNia manetehi tu tano i.]

JESAYA 59:11

Sude do hami mangorong songon gompul; sai morong-orong songon darapati. Hami painte-inte hatigoran, tapi nada adong, painte-intehon haluaan tapi sai mandao sian hami.

MASMUR 26:9

Ulang bunu au rap dohot pardosa, ulang buat ngolungku rap dohot siduruskon mudar.

HAMALIMON 2:6

Hatiha manghaulkon angkon nitapor do roti i, dung i niusehon tu miak zetun.