MASMUR 20:6 - BIBEL JAMITA NA DENGGAN

⁶ Saonnari, huboto Tuhan do hape mangalehen hamonangan di raja na nipiliNia. Dilehen Tuhan alusna sian banua ginjang; dapotan hamonangan godang raja i hara ni Tuhan Na Markuaso.

MASMUR 20:6 Referans Kwoze

MASMUR 28:8

Diondihon Tuhan i do bangsoNa, diampini jana dipalua Ia do raja na nipiliNia.

BAENON NI ANGKA RASUL 5:31

Jana madung dipabangkit Debata Ia markite tangan siamunNia gabe Pamimpin dohot Sipalua; anso marhamubaan ni roha dohot manjagit hasesaan ni dosa Israel i.

BAENON NI ANGKA RASUL 4:10

antong botoon ni hamu sude ma, dohot sude bangso Israel, bahaso di bagasan goar ni Jesus Kristus, halak Nasaret i do bayo on torkis di adopanmunu. Madung diparsilangkon hamu Jesus i, tapi hape madung dipangolu Debata Ia sian halak na mate.

MATEUS 6:9

Jadi songon on ma dok hamu muda martangiang hamu, ‘Ale, Amangnami na di banua ginjang: Pinarbadia ma goarMu,

JESAYA 63:15

Ale Tuhan, tatap ma hami sian banua ginjang, sian ingananMu na badia jana marmulia. Di dia do pangiburuMu dohot hagogoonMu? Di dia do holong dohot ibo ni rohaMu? Di dia do diparrohahon Ho hami? Ulang ma nian manghohom Ho tu hami.

MASMUR 18:50

Dilehen Debata do hamonangan godang tu raja, tongtong dihaholongi Ia na nipiliNia, i ma si Daud dohot pomparanna, ro di salolot-lolotna.

MASMUR 2:2

Angka parkuaso pe rap burangkit mangalo Tuhan dohot raja na nipiliNia.

BAENON NI ANGKA RASUL 2:36

“Hara ni i ma angkon gabe sude halak Israel tangkas umboto bahaso Jesus na niparsilangkonmunu i, laing Jesus i muse do na nibaen ni Debata gabe Tuhan dohot Kristus!”

JESAYA 58:9

Muda martangiang hamu, patulusonKu ma i. Muda pio-pio hamu tu Au, alusanKu ma hamu. Antak hamu ma na mamparkanciti, na manudui halak dohot jari-jarimu dohot angka hata na jahat.

JESAYA 57:15

Angke songon on do pandok ni Na Gumincat jana Na Marmulia na marhabangsa salolotna jana Na Sun Badia goarNa: “Di inganan na gincat jana badia do habangsangKu, tapi rap muse do dohot halak na magopu jana na toruk rohana, laho pangoluhon arop ni roha ni halak na toruk roha dohot laho pangoluhon roha ni halak na magopu.

MASMUR 41:11

Muda nada tartaluhon halahi au, botoonku ma bahaso na jop rohaMu mida au.

MASMUR 18:35

Tuhan, Ho do na mandongani au dohot na paluahon au, jana tangan siamunMu do na manogu-nogu au, hara ni kuasoMu gabe marsangap au.

MASMUR 17:7

Patidahon ma holongMu na gok hahomangan, jadi hami dapotan haluaan. Di bagasan pangondingiMu, sonang hami sian pangaroro ni musu.

1 RAJA-RAJA 8:43

sai tangihon ma di ingananMu di banua ginjang tangiang ni halahi jana oloi ma pangidoanna. Gabe songon bangsoMu Israel sude bangso na di tano on, mananda jana mangoloi Ho anso diboto halahi bagas na Hupauli on, i ma inganan paribadatan tu Ho.”

BAENON NI ANGKA RASUL 2:33

Dipatuginjang do Ia tu inganan ditangan siamun ni Debata, laing dijagit Ia ma sian Ama i Tondi Parbadia na dung nijanjihon hian. Tondi i ma na niusehon saonnari tu hami, jana i ma na nibege dohot na niidamunu angka dongan saonnari.

MASMUR 9:15

Angka bangso na so mananda Ho angkon madabu tu lubang na nihuar ni halahi do. Tu jaring na nitaon ni halahi sandiri Ho mambaen tarjorat halahi.

MIKA 4:5

Ganop bangso na adong di portibi mangoloi be jana marsomba tu debatana sandiri. Tapi anggo hita haburjuhononta ma mangoloi Tuhan Debatanta jana tasomba Ia salolot-lolotna.