MASMUR 20:5 - BIBEL JAMITA NA DENGGAN

⁵ Jadi marsurak ma hami marjop ni roha, lalu mamestahon hamonanganmu, bope mamuji goar ni Debata. Tuhan ma na patuluskon sude pangidoanmi.

MASMUR 20:5 Referans Kwoze

HARURUAR 17:15

Jadi dipajongjong si Musa ma sada langgatan, jana dibaen ia ma goarna, “Tuhan do Manderangku.”

MASMUR 60:4

Dilehen Ho do dalan di halak na marsitutu marugamo, anso laing bolas malua sian uhuman,

1 SAMUEL 1:17

Dung i ninna si Eli ma, “Antong anggo songon i do, mulak ma ho dibagasan sonang. Sai dipatulus Debata ni Israel ma nian pangidoanmi.”

JESAYA 61:10

“Jop ma rohangku hara ni Tuhan, hara ni Debata, tondingku marhamogaan. Songon pangoli di ari parbagasonna mamake pakean na sumurung jegesna, madung dipapakehon Tuhan tu au baju haluaan dohot hamonanganku.

JESAYA 25:9

Dokkonon ni halak ma di hatiha i, “Tutu ma da, Ia do antong Debatanta. I ma Tuhan na tapaima-ima laho mangalehen haluaanta. Saonnari marsurak ma hita marjop ni roha, dibaen na dung nipaluaNia hita.”

LUKAS 1:47

marmoga-moga rohangku hara ni Debata Sipatorkiskonku.

MASMUR 118:15

Sora ni olop-olop dohot hatuaan marsaringar di undung-undung ni partigori. “Tangan siamun ni Tuhan mambaen hamonangan.

MASMUR 35:9

Jadi marsurak-surak ma au hara ni Tuhan, jop ma rohangku dibaen dipalua Ia au.

MASMUR 13:5

Tapi anggo au mararop ni roha do tu ibo ni rohaMu, marmoga-moga ma rohangku, angke Ho palua au.

MASMUR 9:14

Di jolo ni pangisi ni Jerusalem, kota na badia i jongjong au mangendehon pujian. Giot paboaonku sude pambaenanMu, jop rohangku, angke dipalua Ho au.

HABAKUK 3:18

Sai tongtong noma au marjop ni roha di bagasan Tuhan, jana maria-ria di bagasan Debata Sipalua au.

MIKA 4:5

Ganop bangso na adong di portibi mangoloi be jana marsomba tu debatana sandiri. Tapi anggo hita haburjuhononta ma mangoloi Tuhan Debatanta jana tasomba Ia salolot-lolotna.

MASMUR 19:4

Hape sorana marsaringar tu sude portibi, tarbege lalu tu ujung ni tano i. Di awang-awang dibaen Tuhan bagas ni mataniari,

JESAYA 11:10

Dapot do hatihana, ro sada raja pomparan ni si Daud na gabe pamusatan ni roha ni angka bangso. Marlagut ma halahi di kota ni harajaan jana mangalehen sangap tusia.

MASMUR 21:1

O Tuhan, hara ni kuasoMu, marjop ni roha ma raja, marolop-olop ia, dibaen dilehen Ho hamonangan disia!

1 SAMUEL 17:45

Tapi dialusi si Daud ma, “Ro ho mangalo au mangasahon podang, tombak dohot hujur, tapi ro do au mangalo ho mangasahon goar ni Tuhan Na Markuaso i, Debata ni tentara ni Israel na nipalayasmi.

MASMUR 21:3

Ro Ho mandapotkon ia mardongan pasupasu na maruse-use, dipamasuk Ho tu ulunia tuku sere.