MASMUR 2:9 - BIBEL JAMITA NA DENGGAN

⁹ Mardongan tungkot bosi tipulkononmu halahi songon hudon tano ropukonmu halahi.’ ”

MASMUR 2:9 Referans Kwoze

HALUMBAAN 12:5

Dung i di sorangkon ia ma sada Dakdanak halaklahi, i ma na giot mamarenta angka bangso sudena dohot tungkot bosi. Tapi dirampas ma Dakdanak i sian anak boru i, dioban ma tu Debata dohot tu jolo ni habangsaNa.

MASMUR 89:23

PasidungonKu ma sude musunia, Hubunu sanga ise na mangkosomi ia.

HALUMBAAN 19:15

Ruar ma sian pamanganNia i sada podang na tajom, jana podang i ma baenonNia manaluhon angka bangso jana parentaonNia ma halahi dohot tungkot bosi. PoroonNia ma anggur di panggilingan ni anggur haririmas ni Debata Parkuaso Na Sumurung i.

JESAYA 30:14

Maropuk ma hamu songon hudon tano na matapor sarge umpe sangkoping na tarpake gabe ngarngar pambuat ni banggar sian tataring sanga panahu ni aek sian kula.”

DANIEL 2:44

Di hatiha ni angka raja-raja i mamarenta, giot pajongjongon ni Debata na di banua ginjang i ma sada harajaan na manongtong sapanjangna jana na so tartaluhon bangso dia pe. Roncohonon ni harajaan na sada i ma sandok harajaan na asing i tapi harajaan na sada i, manongtong do ro di salolot ni lolotna.

JEREMIA 19:11

Angkon dokkononku tu halahi na didokkon Tuhan Na Markuaso i songon on, “Giot sego-segoonKu ma bangso on dohot kota on lopus songon kendi na masarsar i na so tarpauli be mangulahi. Kuburkonon ni halak ma angka bangke ni halahi di Tofet, hara ni na so adong be inganan pananomanna na asing.

MATEUS 21:44

Sanga ise na madabu tu batu i, angkon gabe masarsar. Jana sanga ise na didondoni batu i, angkon magopu gabe abu.]”

JESAYA 60:12

Bangso na so ra marpangoloion tu ho gabe sisoada do.

JEREMIA 13:14

Jana marsitomboman halahi baenonKu. Songon i ma baenonKu na matobang dohot na poso nada adong ampunanna. AbisanKu ma halahi nada mamake ibo ni roha dohot pangusayang. Au Tuhan, madung mandok songon i.”

DANIEL 2:45

Nada he diida raja i do sada batu na magulang sian dolok-dolok i haru pe nada adong halak na mandabuhonsa, lalu manondong dohot mangaropuk patung na sian bosi, tumbaga, tano liat, perak dohot sere i? Didok Debata na sun godang i do tu raja i sanga aha muse na giot masa tu pudi on. Madung hupaboa nipi ni raja i na satutuna jana hupatorang astuanna na sasintongna.”

MIKA 5:8

Taluhonon ni Israel ma angka musuna jana roncohononna i sudena.