MASMUR 2:2 - BIBEL JAMITA NA DENGGAN

² Angka parkuaso pe rap burangkit mangalo Tuhan dohot raja na nipiliNia.

MASMUR 2:2 Referans Kwoze

MATEUS 26:59

Dijalahi angka kapala ni malim i ma dohot sude parrapot i angka hasaksian na so tutu laho mangalo Jesus anso adong dalanna baenon ni halahi mamunu Ia.

MATEUS 27:1

Dung torang arina i martahi ma sude angka Sintua Ni Malim dohot angka hatobangon ni halak Jahudi manontuhon sanga na bia baenon ni halahi mamunu Jesus.

MASMUR 45:7

Dihaholongi raja i do na tigor jana manghasogohon na jat, hara ni i ma umbaen na raja i ditodo Debata. Dipasuksuk Ia tua di raja i manyalpui angka raja na asing i.

BAENON NI ANGKA RASUL 10:38

Diboto hamu do, na dung dipili Debata do Jesus halak Nasaret i, jana dilehen tuSia Tondi Parbadia dohot kuaso. Laing diboto hamu do, na dung mardalani Jesus i tudia-tudia mambaen na denggan; dipamalum Ia sudena halak na nitaluhon ni Sibolis, angke didongani Debata do Ia.

PODA 21:30

Muda Tuhan mangalo ho nada adong tarbaen manolong; magopo do hapistaran, sinaloan dohot habisuhon.

JOHANNES 1:41

Manigor diompoti si Andreas ma manjalahi si Simon angkangna i jana didok ia ma tu si Simon, “Madung marsuo hami dohot Mesias i!” (Mesias astuanna Kristus.)

MASMUR 74:23

Ulang ma halupahon parsurak-surak ni angka musuMu, hagaoran ni angka aloMu na mur manjebu!

MASMUR 48:4

Ligi bo, marlagut do angka raja, ro halahi tu Dolok Sion laho mangaroro.

MASMUR 2:10

Jadi hamu angka raja, parrohahon hamu ma, ingot ma hamu di poda on, hamu ale angka na markuaso!

JOHANNES 3:34

Sanga ise na nisuru ni Debata, barita sian Debata do dioban Ia, harana madung dilehen Debata TondiNia i, nada hasuhatan bahatna.

MASMUR 89:20

Madung Hupadumpangkon si Daud, naposongKu, Hupabangkit ia marhite miakKu.

MASMUR 74:18

Ingot ma ale Tuhan, pangincahi ni musu i di Ho, marlayas goarMu dibaen bangso na so mananda Ho.

HARURUAR 16:7

Manyogot idaonmunu ma sumirlak sinondang sian hamuliaan ni Tuhan. Madung dibege Tuhan angka ungut-ungutmunu tuSia, olo tutu, maradopkon Tuhan. Angke anggo hami, hum patulus na niparentahonNia do.”

IBRANI 1:9

Hatigoran do giot ni rohaMu jana magigi do Ho di na sala; i ma dalanna umbaen na nipili ni Debata Ho, i ma DebataMu jana dipasonang rohaMu dohot hasangapan na sumurung sian angka donganMu.”

JOHANNES 15:23

Sanga ise na mangkosomi Au, dihosomi ia muse do Damang.

LUKAS 13:31

Laing di hatiha i, adong ma marroan angka halak Parise tu Jesus, mandok, “Ulang Ho maringanan dison! Morot ma Ho tu inganan na asing, angke giot bunuon ni si Herodes ma Ho.”

MATEUS 2:16

Dung diboto si Herodes na dung dipaoto-oto ni parilmu bintang na sian Habincaran i ia, gabe muruk sajo ma ia. Diparuar ia ma parenta anso dibunu sude dakdanak halaklahi na marumur dua taon tu toru na adong di kota Betlehem dohot na humaliang i. Dipahombar ma i tu hatorangan na nitangkasannia sian angka parilmu bintang i.

JESAYA 61:1

Dirajai Tondi Ni Tuhan Debata i ma au; dipili jana disuru Ia au, laho maroban jamita na denggan tu halak na pogos dohot na lebak, jana pamalumkon halak na magopu rohana; laho pabotohon tu halak tahanan paboa na tibu noma halahi dapotan haluaan, dohot tu angka jolma na di hurungan bahaso halahi na dung mardeka.

MASMUR 110:5

Di siamunmu do Tuhan, muda jabat muruk Ia, angka raja pe dironcohon Ia.

BAENON NI ANGKA RASUL 9:4

Gabe tungkap ma ia tu tano i jana dibege ia ma sada sora na mandok tusia, “Saulus, Saulus! Biasi diparkanciti ho Au?”

MATEUS 26:3

Jadi marlagut ma disi angka Sintua Ni Malim dohot angka hatobangon ni halak Jahudi di inganan ni si Kayafas Malim Godang i.

MASMUR 48:5

Hape paida-ida dolok i, gabe ngangang halahi; gaor halahi jana maturubus marlojongi.

MASMUR 83:6

Bangso Edom dohot Ismael angka Moab dohot Hagar.