MASMUR 2:12 - BIBEL JAMITA NA DENGGAN

¹² Ulang jabat Tuhan gabe muruk, jana manigor hona pusa hamu, harana manigor mura do ro murukNa. Martua ma halak na marlinggom di Tuhan i!

MASMUR 2:12 Referans Kwoze

MASMUR 40:4

Martua ma sanga ise na porsaya tu Tuhan; na so dohot-dohotan marsomba tu angka debata, na so mangido tolong tu halahi.

JOHANNES 5:23

Dibaen Damang pe i anso dipasangap halak do Anak i songon na ni baen ni halak tu Damang. Halak na so pasangapkon Anak i, nada diparsangapi ia muse Ama na marsuru Anak i.

MASMUR 84:12

Ale Tuhan Na Markuaso, sai martua ma tutu sanga ise na porsaya tu Ho.

MASMUR 34:8

Ligi jana dai sandiri ma hadengganan ni Tuhan, martua ma sanga ise na maronding tuSia.

JEREMIA 17:7

Tapi anggo halak na marpos ni roha tu Au sai na pasupasuonKu do i marpupu.

JESAYA 30:18

Haru pe songon i, laing dipainte Tuhan dope hatihana laho patuduhon tu hamu ibo ni rohaNia. Rade do Ia laho maribo ni roha tu hamu, angke Tuhan i do Debata na tigor. Martua do na marpos ni roha tuSia.

PODA 16:20

Parrohahon ma pangajaran anso maruli pandapotan. Haporsayai ma Tuhan anso dapotan hatuaan.

1 PETRUS 2:6

Harana tarsurat do di Buku Na Badia i songon on, “Madung Hupili sada batu na arga, na Hupayakkon di Sion gabe batu parsuhi; jana sanga ise na porsaya tuSia nada pailaon.”

EPESUS 1:12

boti anso hita na dung parjolo mararop ni roha tu Kristus i, mangolu laho mamuji Debata hara ni hagodanganNia i!

1 RAJA-RAJA 19:18

Tapi malua do baenonKu pitu ribu halak di Israel, i ma angka halak na tongtong mangoloi Au jana na so jungada marsomba gana-ganaan ni Baal sanga mangummasa.”

SURAT NI SI PAULUS TU PARLAGUTAN ROM 9:33

Songon na tarsurat i, “Ligi da, Hupayakkon do di Sion sada batu partuktuhan dohot sada batu pardandian, jana barang ise na porsaya diSia, nada dipaila be.”

MASMUR 2:5

Mardongan muruk digorahon Debata halahi, mardongan pangamukNa digaori Ia halahi.

MASMUR 1:6

Ditogu-togu Tuhan do anggo halak pangoloi, tapi anggo halak na jahat muli-muli tu hamagoan do i.

1 SAMUEL 10:1

Dung i dibuat si Samuel ma tanduk na marisi miak zetun, lalu diduruskon ia ma i tu ulu ni si Saul jana diumma ia si Saul lalu didok ia, “Madung dipabangkit Tuhan ho gabe raja ni bangsoNa Israel. Parentaonmu ma bangsoNa i jana ondihononmu halahi maradopkon angka musu ni halahi.” On ma tandana di ho, paboa na dung dipili ni Tuhan ho gabe raja di bangsoNia:

HOSEA 13:2

Lopus saonnari laing torus dope mardosa angka halak Efraim i; dipambaeni halahi do angka patung sian perak na nirangrangan ni akal ni jolma jana na nigana ni tangan ni jolma lalu disomba ma i. Didok halahi, “Pelehon ma haul tu angka patung on!” Padiar ma diummai jolma i angka anak ni lombu i!

MASMUR 2:7

Didok Tuhan i, “Hupabotohon pe sanga aha na nitotopkon ni Tuhan. Ning Ia do tu au, ‘AnakKu do ho, sadari on ma Au gabe Amangmu.

SURAT NI SI PAULUS TU PARLAGUTAN ROM 10:11

Di Buku Na Badia i tarsurat do, “Sanga ise na porsaya tuSia nada pailaon.”

JOHANNES 14:6

Ninna Jesus ma mangalusi, “Au do dalan i dohot hasintongan dohot hangoluan. Nada adong na tarbaen ro tu Ama i anggo so markite-hite Au.

1 PETRUS 1:21

Markite-hite Ia do porsaya hamu tu Debata na pangoluhon Ia mangulahi sian hamatean dohot na pasangapkon Ia. Jadi Debata do na nihaporsayaanmunu jana laing tu Debata muse ma hamu mararop ni roha.

PAMUNGKAAN 41:40

Huangkat ma ho gabe kapala di bagas godangku, dung i muse oloan ni rayatkon ma parentamu. Hum au noma di ginjang ni kuasomu.”

MASMUR 31:20

Ditabunihon Ho do halahi di linggomanMu, maradopkon tipu akal ni parjahat. Dilinggomi Ho do halahi di inganan na sonang, maradopkon incak ni musuna.

MASMUR 34:9

Habiari ma Tuhan, o hamu bangsoNia, sanga ise na burju mangoloi Ia nada dumpang hurangan.

MASMUR 109:20

O Tuhan, dabu ma uhuman i tu musungku, tu halak na mandok hata na jat tu au.

ZEPANYA 2:2

painte so diayak dope hamu songon lapung na diombuskon, painte so ro dope tu hamu muruk ni Tuhan na marapi-purun, painte so ro dope ari hamumuruk ni Tuhan.