MASMUR 19:11 - BIBEL JAMITA NA DENGGAN

¹¹ Dung i muse naposoMi diajari ia, upa na godang tu na mangoloi dipasingkop ia.

MASMUR 19:11 Referans Kwoze

2 JOHANNES 1:8

Hara ni i, jagohon hamu ma anso ulang jabat adong sanga aha na mago sian na hami pasahat i tu hamu. Manat ma hamu anso laing dohot hamu manjagit sudena upamunu i.

MASMUR 119:11

Madung husimpan pangajaranMu di bagasan rohangku, anso ulang mardosa au maradopkon Ho.

JAKOBUS 1:25

Sanggam do tona i jana margogo do i laho mambaen jolma gabe mardeka. Jana sanga ise na manangkasi dohot na mamparrohahon dohot denggan bope na patuluskon angka parenta i, jana nada hum na manangihon sajo jana mangkalupahonsa, martua ma halakna i di sude pangalaho na nibaennia.

PODA 29:18

Muda nada adong panogu-noguon ni Tuhan di sada bangso, gaor ma bangso i. Martua ma halak na maniop uhum.

MATEUS 6:4

Indangkon pola adong halak na umbotoan i. Diida Amangmunu na di banua ginjang i do sanga aha na nibaenmunu di na so pamotoan ni halak. Jadi, lehenonNia ma upana di hamu.”

HALUMBAAN 14:13

Dung i hubege ma sada sora sian banua ginjang mandok, “Suratkon ma on: Martua do sanga ise halak na mate di bagasan Tuhan mamungka sian hatiha on!” “Na tutu ma i!” ning Tondi i. “Maradian ma halahi sian karejo na dokdok jana daion ni halahi ma suha ni pangoloion ni halahi na sai tongtong mangihut di halahi.”

IBRANI 11:26

Dihilala si Musa dao dope ummarga maruli incak-incak hara ni Kristus na nijanjihon ni Debata i ulang pado manjagit sasude arta ni tano Mesir; harana upa di ari na giot ro do na nipainte ni si Musa.

1 TESSALONIKA 5:14

Laing hami pangido dope, hamu ale angka dongan, anso gorahon hamu angka halak na so maraturan. Apoi hamu ma angka na menek roha; urupi hamu ma angka na gale jana sobar ma hamu maradopkon halak sudena.

MATEUS 3:7

Bahat muse do halak Parise dohot Saduse na marroan tu si Johannes, anso tardidi. Dung diida ia halahi marroan, didok ia ma tu halahi, “Hamu angka pomparan ni ulok! Ise do mandok tu hamu, na bisa pasimbilon dirimunu sian muruk ni Debata na giot ro i?

1 KORINTUS 4:14

Hubaen pe surat on tu hamu, nada na giot pailahon hamu, tapi na paingotkon hamu do au songon angka dakdanakku sandiri.

BAENON NI ANGKA RASUL 20:31

Jadi hara ni i, marjago-jago ma hamu! Ingot hamu ma, tolu taon honokna arian na borngin mardongan ilu-ilu nada maradian au mangajari hamu pasada-sada.

MATEUS 6:18

Anso ulang pola diboto halak na puaso hamu. Tuk ma Amangmunu na so tarida i na umbotosa. Diida Ia do na nibaenmunu i haru pe so diboto halak na asing. Dung i lehenonNia ma upana tu hamu.”

PODA 11:18

Halak na jahat nada pasti hauntunganna; halak na denggan pasti pasupasuonna.

2 JUJUR TAON 19:10

Muda adong sian angka donganmunu na pasahatkon tu hamu sian kota na asing sada parkaro na mamunu jolma, na mangalanggar uhum sanga na mangalanggar parenta ni Tuhan, ulang so lehenonmunu panogu-noguon tu halahi. Jadi muda songon i do, nada marsala be halahi tu Tuhan, jana nada muruk be Tuhan tu hamu bope tu halahi. Patulus hamu ma parenta on, jadi nada marsala be hamu disi.

MATEUS 6:6

Tapi muda martangiang ho, masuk ma tu bilik, kunci ma pintuna i. Disi ma ho martangiang tu Amangmu na so tarida i. Diida Ia do sanga aha na nibaenmu di na so pamotoan ni halak. LehenonNia ma upa ni i tu ho.

MASMUR 119:72

Ummarga do di au TonaMu ulang pado sude sinadongan na di tano on.

MASMUR 119:103

Tonggina i antong baga-baga na nidokMu tumonggi do i sian manisan di pamangan.

PODA 24:14

songon i muse ma dengganna bisuk ni tondimu. Muda marbisuk ho, torang ma ari pangapudianmu.

JEHESKIEL 3:3

Didok Ia ma, “Ale jolma parsantongkinan, pangan ma i! Pamasuk ma balunan ni karotes on tu butuhamu.” Jadi hupangan ma karotes i jana tonggi do daina songon aer ni loba.