MASMUR 18:39 - BIBEL JAMITA NA DENGGAN

³⁹ Ho do margogoihon au laho marporang, hupatunduk musungku lopus au monang.

MASMUR 18:39 Referans Kwoze

MASMUR 18:32

Ia do Debata na margogoihon au, na mambaen sonang di pardalananku.

EPESUS 1:22

Ditaluhon Debata do sasudena tu toru ni kuaso ni Kristus, jana dibaen Ia do Kristus gabe ulu ni sasudena na adong di parlagutan ni Tuhan.

JOHANNES 15:23

Sanga ise na mangkosomi Au, dihosomi ia muse do Damang.

ANDUNG 5:5

Songon dorbia, dipaksa hami karejo na borat, loja hami, hape nada tola maradian.

JESAYA 45:14

Ninna Tuhan ma tu Israel: “Buat ma di ho arta ni Mesir dohot Sudan. Angka halak Seba na tongam i gabe hatoban, mardalan di pudimu halahi marrante-rante. Marsomba ma halahi, lalu dokkononna, ‘Debata mandongani ho; hum Ia do tutu Debata!

PODA 8:36

Sanga ise na so mandapot au, mangarugii dirina sandiri, halak na manghasogohon au, hamatean do dihaholongi.”

MASMUR 34:21

Mate ma parjahat hara ni hajahatanna, hona uhum ma sanga ise na goyak rohana mida halak na daulat.

1 JUJUR TAON 22:18

Ning ia ma, “Madung diurupi Tuhan Debatamunu i hamu, jana dilehen dame dohot hasonangan di hamu. Dilehen Ia do hatiha hadenggananNa di au anso tartaluhon au sude angka bangso na mangingani luat on hian. Saonnari tunduk tu hamu noma halahi dohot tu Tuhan.

PILIPPI 3:21

Anggo pamatangta na gale boti na ra madangke on, paubaon ni Kristus do i gabe marsangap songon pamatangNia sandiri. Tarbaen do songon i angke adong do kuasoNia laho manaluhon sasudena.

MASMUR 66:3

Dok ma tu Debata, “Hahomangan godang do antong pambaenanMu!” Tunduk tu Ho angka musu jabat bajoraon, hara ni godang ni kuasoMu.