MASMUR 18:15 - BIBEL JAMITA NA DENGGAN

¹⁵ Tandolan ni laut tarida, sisik ni tano tarbuka tangkas, di na manyonggak Tuhan tu musu mardongan rimas.

MASMUR 18:15 Referans Kwoze

MASMUR 106:9

Hara ni parentaMu, mahiang ma Laut Rara, dibolus bangsoMu laut i, songon na mardalan di tonga padang.

HARURUAR 15:8

Diombus Ho do laut i, jana marbalun songon dolok na gincat; jongjong tingkos songon panambok; gabe pir tandolan ni laut i.

MIKA 6:2

Ale angka dolok, ale angka jongjongan ni tano, tangihon bo pangaduan ni Tuhan! Adong parkaroNia dohot Israel bangsoNa i jana giot tuntutonNia halahi.

JEREMIA 31:37

Sugari di sada hatiha bolas suhaton langit i, jana ojahan ni tano tarsihiri, di hatiha i ma tulahonKu Israel hara ni sude parbuatan ni halahi na jahat i. Au Tuhan, madung mandok songon i.”

MASMUR 104:5

Tohong do tano on dipajongjong Ho di ojahanna, gabe nada meol salolot-lolotna.

MASMUR 76:6

Ale Debata ni si Jakob, Ho do manyonggak halahi, gabe marmatean ma sude na manengget dohot kudona i.

JOB 4:9

‘Songon haba-haba na gogo i do Debata; mangabisi halahi lopus soada!’

2 SAMUEL 22:16

Dung i haidaan ma tandolan ni laut i jana mungkap ma ojahan ni portibi, di na mangogar Tuhan tu musuNa jana manggora tu halahi dohot rimasNa.

MASMUR 74:15

Dibaen Ho do mual dohot batang aek na mardalan, dipahiang Ho batang aek na godang.

2 RAJA-RAJA 19:7

Patubegehonon ni Tuhan ma sada barita tu raja Asur na mambaen ia mulak tu luatnia sandiri jana mate hona bunu ma ia disi.”

JUNUS 2:6

Julung do au lopus tu ojahan ni tano on, na marhorbangan jana na markunci salolot ni lolotna. Hatiha i ma dipaulak Ho ngolungku sian hamatean, ale Tuhan, Debatangku.

JESAYA 11:4

Markite-hite hatigoran do ditimbang ia parkaro ni halak na pogos; diondihon ia hak ni halak na gale lopus dapot, halak parsala diuhumi hara ni parentania, halak na jahat dipusa ia.

JESAYA 30:33

Mamungka sian narobi na dung diparade hian do api baen panutung ni raja Asur. Bagas jana lumbang do inganan i na marisi soban martinggang-tinggang. Ombuskonon ni Tuhan ma hosaNia laho pagarahon api i.

1 SAMUEL 7:10

Di na manghaulkon haul na nitutung i si Samuel, mamungka ma halak Pilistin mangaroro; tapi laing topet ma disi mangaronggur Tuhan sian langit tu ginjang ni halahi. Gabe sarsar ma halahi marlojong so diboto be tondongonna.

JOB 36:32

Ditangkup Ia do hilap dohot tanganNia lalu disuru Ia manyoro soroanna.

MASMUR 77:18

Hilap pe margurasai, ronggur pe mardotur tano pe mangalalo jana humutur.

MASMUR 92:10

Dibaen Ho gogongku songon gogo ni lombu jonggi, jana dipasupasuhon Ho tu au hatuaan.

MASMUR 144:6

Danggurkon ma hilapMu anso masarsar musu i, palua ma anak ni siorMu anso marsitondong dalanna halahi maporus.

ZAKARIA 9:14

Pataridahonon ni Tuhan ma diriNa tu bangsoNa, songon hipas ni hilap ditembakkon angka anak ni siorNa. Ombuson ni Tuhan Debata ma sarune lalu mardalan maju di bagasan angin na gogo na sian Selatan.