MASMUR 18:14 - BIBEL JAMITA NA DENGGAN

¹⁴ Dipalua Ia panaNia, musu i pe kehe gumadobur, maporus halahi hatiha manyoro ronggur.

MASMUR 18:14 Referans Kwoze

MASMUR 144:6

Danggurkon ma hilapMu anso masarsar musu i, palua ma anak ni siorMu anso marsitondong dalanna halahi maporus.

HABAKUK 3:11

Panyirlak ni angka anak ni siorMu maradu hipas, tombakna marsilo manyirlak-nyirlak, gabe so ma mataniari dohot bulan di ingananna.

JESAYA 30:30

Patubegehonon ni Tuhan ma soraNia na tongam i jana ganop halak hilalaonna ma hamuruhonNia na sogen i. ParoonNia ma api na mangabiskon, udan potir, ambolas dohot bade.

MASMUR 77:17

Diduruskon ombun i ma udan, ronggurna pe gumadobur; hilap humasiksak tu sude desa na walu.

JOB 6:4

Hona tombus ni anak ni pana do pamatangku dibaen Pargogo Na Sumurung i. Manyarira rasunna i tu sude pamatang i. Na sun jebu ni Debata tarlobi sogen sihabiaran, jana manjombai iba songon dia ma parro ni musu marparangan.

JOSUA 10:10

Dibaen Tuhan ma halak Amori i gabe mabiar so martontu, dung diida halahi halak Israel. Bahat do halak Amori na hona bunu di Gibeon i jana angka na mangolu i dope dikojar ma manuati lereng ni dolok na di Bet-Horon lalu tu Aseka dohot Makeda na di Selatan.

PANGARATAION 32:42

Margulu podangKu sap mudar ni halahi hona bunu ni podangKu sude na mangalo i. Nada paluaonKu hosa ni alo-alongki mate muse do na margasa dohot na tartaban i.

PANGARATAION 32:23

Nada mantak Huparo mara Hupake siorKu mangalosa.

BILANGAN 24:8

Sian Mesir dioban Debata halahi ruar, marporang halahi songon lombu na riar. Musu ni halahi sude dibondut, holi-holina pe diropuk, sior ni halahi pe digepu-gepu.

MASMUR 21:12

Giot tembakkononNia anak ni panaNia i, gabe marputar halahi lalu marlojongi.

JOB 38:35

Jana muda disuru ho angka porkas maradu sumiksak, ro ma he halahi mandok, ‘Dison do au tuan!’?

1 SAMUEL 2:10

Maronco angka musu ni Tuhan, mabiar be; mangaronggur Ia sian langit an. Na giot manguhumi ma Tuhan tu sandok tano on. Jana lehenonNia ma kuaso na marmulia tu raja na nitodoNia.”

JOB 37:4

Dung i mangaronggur ma soraNia, sora na tongam sian ronggur; dohot di tonga-tonga ni sora na mambaen humutur, hilap na sumiksak marsisoroan.

JOB 37:5

Tarjadi hahomangan, hara ni parenta ni Debata, angka pangalaho na so masuk di akal na so tarastui iba.

MASMUR 29:3

Mangaronggur di ginjang ni laut na bidang Debata Na Marmulia marsaringar di ginjang ni aek soraNia.

MASMUR 29:7

Sora ni Tuhan mambursikkon jilam ni api.

MASMUR 77:18

Hilap pe margurasai, ronggur pe mardotur tano pe mangalalo jana humutur.

JOEL 2:11

Mangaronggur ma sora ni Tuhan mangalehen tanda, jana tunduk do tuSia parangan i sude. Na bahat do paranganNia! Santak gogo ni tentara na nipimpinNa! Ari na godang jana na jorbut do ari ni Tuhan! Ise he na bisa mangambati i?