MASMUR 17:4 - BIBEL JAMITA NA DENGGAN

⁴ Pangkuling ni parjahat nada hutiru, parentaMu huoloi jana na mangasahon gogo padaoonku.

MASMUR 17:4 Referans Kwoze

1 PETRUS 5:8

Angkon hobas do hamu jana jonggor! Angke Sibolis do musumunu. Songon singa do i na res pahae res pahulu na mangorong soroanna.

1 KORINTUS 3:3

hara ni ngolumunu na laing tongtong dope mangihutkon bako ni jolma portibi. Angke muda laing mangiburui do hamu jana marbadai na sada tu na asing, i ma tandana paboa na laing mangolu mangihutkon bako ni jolma portibi dope hamu, songon angka jolma na di portibi on.

HALUMBAAN 12:11

Madung ditaluhon angka donganta i ia dohot mudar ni Anak Ni Biri-biri i bope dohot hasaksian ni halahi. Angke nada dihaholongi halahi hosa ni halahi lopus tu hamatean.

JAKOBUS 1:18

Hara ni giot ni rohaNia sandiri, dibaen Ia do hita gabe dakdanakNia markite-hite hataNia na tigor i, anso dapotan inganan na dumenggan hita sian sasudena na nitompaNia.

EPESUS 6:17

Jagit hamu ma haluaan na gabe songon kupia baja di hamu, dohot hata ni Debata na songon podang na sian Tondi Parbadia.

JOHANNES 17:17

Markite-hite hasintongan ni Damang, baen ma halahi gabe angka jolma hapunjungan ni Damang sandiri; hata na nidok ni Damang i do hasintongan i.

MATEUS 4:10

Dialusi Jesus ma, “Morot ma ho, Sibolis! Angke tarsurat do, ‘Sombaonmu do Tuhan Debatamu, hum Ia sajo do oloanmu!’ ”

MATEUS 4:7

Dialusi Jesus ma, “Tapi laing tarsurat do, ‘Ulang uji Tuhan Debatamu.’ ”

MATEUS 4:4

Dialusi Jesus ma, “Adong do tarsurat songon on: Nada hum sian roti sajo hangoluan ni jolma, tapi sian sude hata na nidok ni Debata do.”

HALUMBAAN 9:11

Adong do rajana na mamarenta halahi, jana rajana i ma na martanggung jawab taringot tu rura hamatean i. Si Abadon ma goarna di hata Ibrani; jana hata Junani didok Apolion (astuanna “Panyego-nyego”).

JOB 31:33

Anggo halak na asing dibunihon do dosana, hape anggo au nada unjung songon i da.

JOB 15:16

Mur jolma na rorang dohot na jurngit ma hape, na mandorguk hajahatan songon aek.

PAMUNGKAAN 6:11

Hape anggo angka na asing i sude do jungkat di parnidaan ni Debata jana sanga di dia pe hakejamon noma na masa.

PAMUNGKAAN 6:5

Di na nipamanat ni Tuhan, hape na sun do jahat ni jolma i sude di tano on, boti santak ni busuk ni angka pikiran ni halahi,

1 SAMUEL 26:9

Tapi didok si Daud ma, “Ulang hahua ia! Pasti do hona uhum baenon ni Tuhan halak na mambaen jahat tu raja na nipiliNia.

1 SAMUEL 26:11

Sai diantahi Tuhan ma nian au mamunu raja na nipili ni Tuhan i! Tombakna i ma dohot gendina i buat, anso kehe hita!”