MASMUR 16:3 - BIBEL JAMITA NA DENGGAN

³ Hupasangap angka halak na daulat di luat on, tinggal rap dohot halahi, i ma huhagiotkon.

MASMUR 16:3 Referans Kwoze

IBRANI 6:10

Nada Debata na so tigor. Nada halupahononNia sanga aha na denggan na nibaenmunu tuSia. Sai na ingotonNia do holong ni roha na nipatuduhonmunu tuSia di bagasan pangurupionmunu na nipasahatmunu maradopkon angka dongan Kristen na asing i. Jana lopus saonnari pe laing dilehen hamu do pangurupion i.

PODA 13:20

Muda mardongan dohot halak na marroha, gabe marbisuk iba; muda margaul tu halak na bodo, gabe iba hona mara.

PODA 12:26

Ditogu halak na tigor do donganna tu dalan hasintongan, tapi muda dalan ni parjahat mangaliluhon ia sandiri.

2 JUJUR TAON 6:41

Jongjong ma Ho saonnari ale Tuhan Debata! Jana masuk ma nian Ho tu bagasan bagas paribadatan on rap dohot Poti Parjanjian na manggombarkon kuasoMon jana maringanan ma Ho dison lopus salolot-lolotna. Sai pasupasu ma sude parkarejoan ni angka malimMu jana sai martua ma sude bangsoMu hara ni burjuMu tu halahi.

BAENON NI ANGKA RASUL 9:13

Dialusi si Ananias ma, “Bahat do hubege hata ni halak Tuhan, taringot tu bayo i, tarlobi taringot tu angka parkancitan na nibaennia maradopkon halakMu na badia i di Jerusalem.

MALEAKI 3:17

Didok Tuhan Na Markuaso i ma, “Jadi gabe bangsongKu ma halahi. Di ari na Hutontuhon i, gabe hasudungan ni rohangKu ma halahi jana Au nampunasa. Ibo ma rohangKu mida halahi, songon panghasiani ni ama-ama tu anakna na marpangoloion tuSia.

JESAYA 62:4

Goarmu nada be, ‘Na Nitadingkon’, tanomu nada be, ‘Na Lungun-lungunan’. Goaron ma ho, ‘Hasian Ni Debata’, jana tanomi goaran, ‘Na Dung Marbagas’. Dibaen sonang do roha ni Tuhan mida ho, songon halaklahimu do Ia tu ho.

PODA 8:31

Marsonang-sonang do au di ginjang ni tano on jana jop do rohangku di jolma.

MASMUR 119:63

Ale-ale ni na manghabiari Ho do au, dohot na patuluskon parentaMu.

MASMUR 116:15

Arga do di roha ni Tuhan hamamate ni hasian ni rohaNia.

MASMUR 101:6

Mida halak na haposan, jop do rohangku; tola do halahi maringanan di bagasku. Halak na so targora di ngoluna tola ma mangoloi iba.

MASMUR 30:4

Endehon ma puji-pujian di Tuhan, o hamu bangsoNia na nihaholonganNia! jana haulkon ma hatarimakasion tu goarNa Na Badia!

TITUS 3:8

Tutu do sasudena sanga aha na hudok on. Jadi giotku, gomos ma dokkon taringot tu angka na hudok on, anso marsitutu angka na porsaya tu Debata patuluskon angka karejo na denggan na marguna tu sude halak.

EPESUS 1:1

Sian si Paulus, rasul ni Kristus Jesus, markite-hite hagiot ni Debata, tu angka halak na badia na di Epesus dohot tu angka na porsaya di Kristus Jesus.

GALATIA 6:10

Jadi salolot adong dope hatiha di hita, angkon sangahononta do mambaen na denggan tu sude halak, lumobi tu angka donganta sahaporsayaan.

ENDE NA GODANG 7:10

Haholonganku do nampuna au; por do rohania di au.

MASMUR 122:8

Hara ni angka koum dohot ale-alengku, hudok, “Sai horas torkis ma ho!”