MASMUR 16:2 - BIBEL JAMITA NA DENGGAN

² Ningku, “Ho do Tuhanku, sude na denggan hujagit sian tanganMu!”

MASMUR 16:2 Referans Kwoze

MASMUR 73:25

Ise dope he di au di banua ginjang i anggo nada Ho? Nada adong por ni rohangku di tano on asing sian Ho.

MASMUR 91:2

tola ma dokkononna tu Tuhan, “Ho noma pangondianku dohot parlindunganku. Debatangku, haposan ni rohangku.”

MASMUR 89:26

Dokkononnia ma tu au, ‘Ho do Damang jana Debatangku, Ho do pangondianku dohot sipalua au.’

MASMUR 31:14

Tapi anggo au, laing tu Ho do ale Tuhan pos ni rohangku, angke Ho do antong Debatangku.

JOHANNES 20:28

Dung i ninna si Tomas ma tu Jesus, “O Tuhanku! Debatangku!”

MASMUR 27:8

Ho mandok, “Ro marsomba tu Au.” Hualusi do, “Ale Tuhan, manigor ro pe au.”

JESAYA 26:13

Ale Tuhan Debatanami! Madung bahat na unjung mangarajai hami; tapi hum Ho sajo do sioloannami.

SURAT NI SI PAULUS TU PARLAGUTAN ROM 11:35

Ise ma halak na jungada mangalehen bagi aha tuSia , jana gabe tarbaensa martunggu balosna?”

ZAKARIA 13:9

Hum sapartolu noma na mangolu sian i. Jana paiasonKu ma halahi songon perak na dipapita ni api. UjionKu ma halahi songon panguji ni halak di sere. Jadi martangiang ma halahi tu Au, jana alusanKu ma halahi. DokkononKu ma tu halahi, paboa na bangsongKu do halahi, jana okuon ni halahi muse ma, Au do Tuhan Debata ni halahi.”

MASMUR 8:1

O Tuhan, Tuhannami, tarbarita do kuasoMu di sude portibi! HagodanganMu lalu do tu banua ginjang di langit,

LUKAS 17:10

Songon i muse ma hamu. Muda dung dioloi hamu sude na niparentahon tu hamu, dok hamu ma, ‘Anggo hami hum naposo na somal-somal i do hami; hum na patut baenon do na hami karejohon i.’ ”

JESAYA 44:5

Okuon ni halak ma dirina, “Nampuna ni Tuhan do Au,” jana na asing muse mandok dirina marhite goar ni si Jakob, jana na patoluhon manyuratkon di tanganna: “Nampuna ni Tuhan,” jana manggoari dirina marhite goar ni Israel.