MASMUR 15:1 - BIBEL JAMITA NA DENGGAN

¹ Tuhan, ise ma na tarbaen manompang di bagasan undung-undungMu, jana ise tarbaen marsomba di dolok ingananMu?

MASMUR 15:1 Referans Kwoze

MASMUR 84:4

Na martua do halak na tinggal di BagasMu, jana na sai mangendehon pujian di goarMu.

MASMUR 61:4

Padiar mamanompang di undung-undungMu au salolot au mangolu, anso sonang au di linggoman ni habongMu.

MASMUR 92:13

Tudos do halahi tu hayu na disuan di Bagas Ni Tuhan, jana manyarmak di Bagas Ni Debatanta;

MASMUR 23:6

Huboto do denggan ni rohaMu mida au, jana sai tongtong do Ho manghaholongi au. Jadi tola ma au mian di BagasMu, salolot au mangolu.

IBRANI 12:22

Tapi anggo hamu, Dolok Sion noma na niadopanmunu bope Kota Ni Debata na mangolu, i ma Jerusalem na di banua ginjang dohot surusuruanNa na marribu-ribu.

JOHANNES 17:24

Madung dipasahat Damang halahi tu Au. Saonnari Hupangidohon ma tu Damang anso rap dohot Au halahi sanga di dia pe Au maringanan, anso diida halahi hasangapanKi, i ma hasangapan ni Damang na nilehenMi tu Au, angke na holong do roha ni Damang tu Au mamungka sian dompak so dijadihon dope portibi on.

MASMUR 3:4

Pio-pio au tu Ho ale Tuhan, sian dolokMu na badia dialusi Ho au.

MASMUR 2:6

Ning Ia ma, “Di Sion, dolokKu na badia i madung Hupabangkit raja na Hupili i.”

HALUMBAAN 14:1

Dung i hupamanat ma, jadi tarida ma Anak Ni Biri-biri i jongjong di Dolok Sion. Adong do 144.000 halak na rap dohot Ia, tarsurat do di bohi ni halahi sude goar ni Anak Ni Biri-biri i dohot goar ni AmangNia.

JOHANNES 14:3

Dung kehe Au pasingkop inganan i di hamu, mulak pe Au anso laing disi muse ma hamu.